NULL

Именины Алексий

Имя Алексий почитается в православии 69 раз в 2020 году. День Ангела - одна из этих дат. Чтобы определить День Ангела Алексий вашего знакомого, надо найти день памяти святого, следующий за датой его рождения.
Полное имя:

Церковное имя:

Алексий

Ближайшие именины Алексий - 01 октября
Алексий Кузнецов

Священномученик Алексий Кузнецов родился в 1873 году, окончил учительскую семинарию и первоначально занимался преподавательской деятельностью в народном училище села Горбуновского Камышловского уезда. В феврале 1898 года он был рукоположен в сан диакона Преосвященным Хри

Читать далее
Даты именин Алексий в 2020 году по православному календарю img title

Святые с именем Алексий в 2020 году почитаются 69 раза. Одна из этих дат - День Ангела человека, носяцего имя Алексий.

Ближайшие именины

Февраль

Алексий Меркурьев Алексий Сабуров Алексий Наумов Алексий Ворошин, Елнатский, Христа ради юродивый Алексий Протопопов Алексий Нейдгардт Алексий Будрин Алексий Агломазовский Алексий Дроздов Алексий Порфирьев Алексий Ильинский Алексий Троицкий Алексий Москвин Алексий Введенский (3) Алексий Коротков, Белогорский Алексий Ставровский Алексий Стабников Алексий Красновский Алексий Успенский Алексий Введенский (2) Алексий Архангельский Алексий Никонов Алексий Никольский Алексий Введенский Алексий Нечаев Алексий Николаевич Романов, царевич Алексий Виноградов Алексий (Орлов), Омский Алексий Кузнецов Алексий Канцеров Алексий Молчанов Алексий Сибирский Алексий Рождественский Алексий Зверев Алексий Бенеманский Алексий Никологорский Алексий Знаменский Алексий Великосельский Алексий Горбачев Алексий (Бельковский), Великоустюжский Алексий Тютюнов Алексий Кротенков

Март

Апрель

Май

Июнь

Июль

Август

Сентябрь

Октябрь

Ноябрь

Декабрь

Что подарить на именины?

Ниже вы можете найти православные подарки для на именины (День Ангела). Наша церковная лавка Святцы открыта для Вас!

Поиск по имени

Молитвы к Алексий

Кондак священномученику Алексию Воробьеву

Избранный от земли Уржумския за веру во Христа Господа нашего душу свою положившаго и венцем славы мученическим украшенный восхваляем подвиги и страдания твоя и с любовию воспеваем ти сице: Радуйся, новомучениче Алексие, теплый о нас Богу молитвенниче Радуйся, отче наш Алексие, новый мучениче и скорый помощниче!

Молитва священномученику Алексию Воробьеву

О угодниче Божий, святый священномучениче отче наш Алексие, сада Христова благовонный цвете, неба церковного кроткая звездо, земли нашея небес­ный уме, града Уржума и державы нашея твердое основание! Теплый к Богу молитвенниче, скорый в помощи, милостивый в нуждах, к тебе припадаем и тебе молимся: буди предстатель наш пред Престо­лом Божия славы неусыпный. Собери нас друг ко другу, да печали ближняго своего кийждо любо­вию нелицемерною приобщается. Онебеси ум наш, да, иго тяжкое земных попечений отвергше, бремя легкое Христова Евангелия возлюбим. Открый очи наши, да узрим нетленную красоту Господню и да не отчуждены будем жизни Божия. Тихость Духа Божия да соблюдет сердце наше. Весна покаяния да украсит дела наша. Заступниче милостивый и щедрый, сохрани страну нашу, град твой и зде молящихся тебе от всякия напасти, от враг видимых и невидимых, от губи­тельства и глада, от междоусобных распрей и внезапныя смерти. Отверзи нам двери милосердия Божия и избави нас от всякого зла. Под крепкий покров благостыни твоея прибегающе, молим: буди нам тихое пристанище в скорбях и искушениях. Огради нас молитвами твоими. Соблюди нас от падений гре­xoвных и заблуждений, да сердцем сокрушенным, духом смиренным в печали и радости выну зовем: Господи, предстательством священномученика Твоего Алексия помилуй нас и сохрани во веки веков. Аминь.

Тропарь блж. мученику Алексию Елнатскому (Ворошину)

Христа ради юродство приял еси и мученическаго венца сподобился еси, и дар пророчества от Бога стяжал еси, за негоже и заключение претерпел еси, святый блаженный Алексие, моли милостивого Бога грехов оставление нам даровати.

Кондак блж. мученику Алексию Елнатскому (Ворошину)

На раскаленные плинфы быв поставлен еси, паче всех Христа Бога возлюбил еси и сердце мучителево любовию своею уязвил еси, о грядущем в его доме несчастье увидев еси, святый блаженный Алексие, и от наших домов молитвою своею напасти отгони и коварство духов злобы разори.

Тропарь святого праведного Алексия Московского Мечёва

Яко чудо Божие явился еси,
 в граде Московстем, отче Алексие,
 не в пустыни бо, но посреде молвы процвел еси,
 в годину люту богоотступления,
 обаче древним уподобился еси,
 провидец сый, молитвенник и старец,
 и страждущим утешитель и врач,
 сего ради о Российстей пастве,
 ходатай ныне буди непреложен,

молитвенниче о душах наших.

Тропарь святого праведного Алексия Московского Мечёва, на перенесение мощей

Наста день новаго торжества,
 град Москва радуется,
 и вся Российская страна ликовствует
 новыми пеньми духовными,
 днесь бо священное торжество
 в пренесение честных и многоцелебных мощей
 праведника и чудотворца Алексия,
 яко бо светило пресветлое,
 воссия нам благодатными лучами,
 потребляя тьму недуг и страстей
 от поющих прилежно,
 спасай нас молитвами твоими

праведне Алексие отче наш.

Тропарь святого праведного Алексия Московского Мечёва

Помози в бедах и утеши в скорбех, пастырю добрый, отче Алексие, подвигом бо старчества миру просиял еси, веру и любовь Христову во мраце беззаконий исповедал еси, болезнуя сердцем о всех притекающих к тебе. И ныне моли Бога за ны, любовию чтущия тя.

Кондак святого праведного Алексия Московского Мечёва

Велии труды любве и милосердия подъял еси, праведный старче Алексие, от святаго пастыря Кронштадтскаго благословение на помощь страждущим прияв, беды и скорби людския яко вериги на рамо свое возложи. Мы же ведуще тя молитвенника дерзновенна ко Господу, со умилением зовем ти: моли Христа Бога спастися душам нашим.

Величание святого праведного Алексия Московского Мечёва

Величаем тя, святый праведный отче Алексие, и чтим святую память твою, ты бо молиши за нас Христа Бога нашего.

Молитва святому праведному Алексию Московскому Мечёву

О, всечестный и преблаженный отче наш Алексие, дивный старче Московский и всея Церкве Российския похвало и радование! Велию любовь ко Господу имея, заветы евангельския непреложно исполняя, душу твою за паству полагал еси, милующим сердцем болезнуя о всех, просящих твоея помощи. Приими малое сие моление наше, и яко в земном житии твоем отирал еси всяку слезу, облегчал еси всяку скорбь, так и ныне, милосердый молитвенниче и ходатаю наш, возьми тяготы, болезни и скорби наша, исполни страждущая сердца радостию, умоли Человеколюбца Бога о прощении безчисленных прегрешений наших, да очистив душу покаянием, к деланию доброму приступим. Ей, старче благий, буди и нам пастырь добрый, наставляя на стезю спасения, да молитвами твоими безпорочно преидем путь жития нашего и обрящем Отечество Небесное, идеже ты со ангелы и всеми святыми предстоиши Престолу Святыя Троицы, славяще Безначальнаго Отца со Единородным Его Сыном и Пресвятым, и Благим, и Животворящим Его Духом во веки веков. Аминь.

Тропарь святителя Московского Алексия

Яко апостолом сопрестольна,
и врача предобра, и служителя благоприятна,
к раце твоей честней притекающе, святителю Алексие, богомудре чудотворче,
сошедшеся, любовию в память твою светло празднуем,
в песнех и пениих радующеся и Христа славяще,
таковую благодать тебе даровавшаго исцелений

и граду твоему великое утверждение.

Ин тропарь Алексия, митрополита Московского и всея России

Яко светоносная возсия днесь память твоя, славне,
верных озаряющи души и телеса,
и исцеления струй Богоприятными ти молитвами источаеши,
отче святителю Алексие,
темже тя молим, яко архиереом сопрестольна и чудодейственника изрядна,
иже Христову Престолу предстояй,
о нас не оскудевай моляся спастися душам нашим.

Тропарь святителя Алексия

Яко сокровище пребогатое, многолетно в земли сокровенное,
честныя мощи твоя обретошася чудоточащия,
всеблаженне отче святителю Алексие,
от нихже врачевство приемлюще, обогащаемся
и Христа славословим, глаголюще:

слава прославляющему святыя Своя.

Ин тропарь святителя Алексия, митр. Московского и всея России, чудотворца

Апостольских преемников архиереев сопрестольниче,
России всея пастырю и учителю,
всеблаженне отче Алексие,
Владыце всех молися
мир пастве твоей даровати,
и спасение душам,
и велию милость.

Ин тропарь святителя Алексия, митр. Московского и всея России, чудотворца

Свыше от Бога глас глаголющ услышав,
от юности подвизався, мудре,
в молитвах, и во умилении, и слезах,
во бдениих же и пощениих образ быв добродетели,
отонюдуже и дом Духу Пречистому явися.
Сего ради Русския митрополии архиерейским саном почтен быв,
Христово стадо упасл еси добре,
еретическая нападения, не усумнеся, отрази
и церкви воздвиже Христови, святителю Алексие,
иночествующих лики собра
и сих Христови привел еси.
Умре же, явися, яко спящ,
цел соблюден бысть пред многими леты,
подавая цельбы болящим.
Тем молим тя:
моли Христа Бога спасти град твой Москву неврежден
и страну и православныя люди по велицей Его милости.

Тропарь святителям Московским

Первопресто́льницы Росси́йстии,
и́стиннии храни́телие апо́стольских преда́ний,
столпи́ непоколеби́мии, правосла́вия наста́вницы,
Пе́тре, Алекси́е, Ио́но, Фили́ппе и Ермоге́не,
Влады́ку всех моли́те
мир вселе́нней дарова́ти,

и душа́м на́шим ве́лию ми́лость.

Кондак святителя Московского Алексия

Божественнаго и пречестнаго святителя Христова,
новаго чудотворца Алексия,
верно вси поюще, людие, любовию да ублажим, яко пастыря великаго,
служителя же и учителя премудра земли Российстей.
Днесь, в память его притекше, радостно возопием песнь богоносному:
яко имея дерзновение к Богу, многообразных нас избави обстояний, да зовем ти:

радуйся, утверждение граду нашему.

Кондак святителя Алексия

Яко солнце незаходимое, от гроба возсия нам
от мног лет сокровены честныя твоя мощи нетленны,
святителю Алексие,
тобою благодать приемлем,
всю бо страну сию и вся ны чудесы и добротою обогащаеши,
действом благодати, да поем ти:

радуйся, отче, светило России.

Ин кондак святителя Алексия, митр. Московского и всея России, чудотворца

Яко светоносная память святителя
всем разруши уныние
и свет облиста Небесных даров,
всех созывающи на веселие:
от Бога бо, святителю Алексие, благодать обрете прогонити недуги
и вся человеки исцеляти,
и мнихом же степень показася.

Кондак святителям Московским

Во святи́телех благоче́стно пожи́сте,
и лю́ди к Богоразу́мию наста́висте, и до́бре Бо́гу угоди́сте,
сего́ ра́ди от Него́ нетле́нием и чудесы́ просла́вистеся,

я́ко ученицы́ Бо́жия благода́ти.

Величание

Величаем вас,
святителие Христовы,
Петре, Алексие, Ионо, Филиппе и Ермогене,
и чтим святую память вашу,
вы бо молите за нас

Христа Бога нашего.

Молитва святителю Алексию

О, пречестная и священная главо и благодати Святаго Духа исполненная, Спасово со Отцем обиталище, великий архиерее, теплый наш заступниче, святителю Алексие! Предстоя у Престола всех Царя и наслаждаяся Света Единосущныя Троицы и херувимски со Ангелы возглашая песнь Трисвятую, велико и неизследованное дерзновение имея ко Всемилостивому Владыце, молися паствы твоей спасти люди, единородный ти язык, благостояние святых церквей утверди, архиереи благолепием святительства украси, монашествующих к подвигом добраго течения укрепи: град сей (или: весь сию: аще во обители: святую обитель сию) и вся грады и страны добре сохрани и веру святую непорочну соблюсти умоли: мир весь умири, от глада и пагубы избави ны и от нападения иноплеменных сохрани нас: старыя утеши, юныя накажи, безумныя умудри, вдовицы помилуй, сироты заступи, младенцы возрасти, немощствующия исцели и везде тепле призывающих тя и с верою притекающих к раце честных и многоцелебных мощей твоих, усердно припадающих и молящих ти ся, от всяких напастей и бед ходатайством твоим свободи, да зовем ти: о, Богоизбранный пастырю, звездо всесветлая мысленныя тверди, тайнаго Сиона необоримый столпе, миродохновенный цвете райский, всезлатая уста Слова, Московская похвало, всея России украшение! Моли о нас Всещедраго и Человеколюбиваго Христа Бога нашего, да в день страшнаго Пришествия Его шуияго стояния избавит нас и радости святых причастники сотворит, со всеми святыми во веки. Аминь.

Ин тропарь святым царственным страстотерпцам

Царства земнаго лишение,
узы и страдания многоразличныя
кротко претерпел еси,
свидетельствовав о Христе даже до смерти от богоборцев,
страстотерпче великий Боговенчанный царю Николае,
сего ради мученическим венцем на небесех,
венча тя с царицею и чады и слуги твоими Христос Бог,
Егоже моли помиловати страну Российскую
и спасти души наша.

Тропарь царственных страстотерпцев

Днесь, благовернии людие, светло почтим
седмерицу честную царственных страстотерпец,
Христову едину домашнюю Церковь:
Николая и Александру,
Алексия, Ольгу, Татиану, Марию и Анастасию.
Тии бо, уз и страданий многоразличных не убоявшеся,
от богоборных смерть и поругание телес прияша
и дерзновение ко Господу в молитве улучиша.
Сего ради к ним с любовию возопиим:
о святии страстотерпцы,
гласу покаяния и стенанию народа нашего вонмите,
землю Российскую в любви к Православию утвердите,
от междоусобныя брани сохраните,
мир мирови у Бога испросите

и душам нашим велию милость.

Ин кондак святым царственным страстотерпцам

Надежда царя мученика
с царицею и чады и слуги укрепи,
и к Твоей любви окрыли, будущий им покой предвозвестивши,
тех молитвами, Господи, помилуй нас.

Кондак царственных страстотерпцев

Избраннии Царем царствующих и Господем господствующих
от рода царей Российских,
благовернии мученицы,
муки душевныя и смерть телесную за Христа приимшии
и венцы Небесными увенчавшиися,
к вам, яко покровителем нашим милостивым,
с любовию благодарне вопием:
радуйтеся, царственнии страстотерпцы,

за Русь Святую пред Богом усерднии молитвенницы.

Величание

Величаем вас,
святии царственнии страстотерпцы,
и чтим честная страдания ваша,
яже за Христа

претерпели есте.

Тропарь преподобным Савве и Алексию Печерским

Преблаженнии и Богоноснии отцы наши Савво и Алексие,
яко стяжавший дерзновение ко Господу
равноангельным своим житием,
егоже ради обогати Христос
нетлением и чудесы мощи ваша,
молим вас прилежно:
испросите душам нашим очищение
и велию и богатую милость.

Кондак преподобным Савве и Алексию Печерским

Богатство благодати и сыноположения стяжаете
многими подвиги и добродетельми,
ихже ради Христос всели души ваша
в Небесныя селения Своя,
даровав благодать нетления
и чудес мощем вашим,
сего ради вопием вам:
радуйтеся, Савво и Алексие,
ликов иноческих похвале и украшение.

Тропарь священномученику Алексию Ставровскому

Ревнитель отеческих преданий явился еси,
священномучениче Алексие,
обличивший нечестие гонителей Церкве Христовы,
пастырь честной града Петрова,
проповедник безбоязненный Истины Божия,
молися выну ко Господу,
да избавит нас от бед и скорбей,
чтущих святую память твою

Ин тропарь священномученику Алексию Ставровскому

Морскаго воинства пастырь доблестный был еси,
неустанное попечение о пастве своей имея,
и жизнь свою мученичеством увенчал еси,
обличивши нечестие гонителей Церкве Христовой,
священномучениче Алексие,
проповедник безбоязненный Истины Божией,
молися выну ко Господу,
да избавит от бед и скорбей чтущих святую память твою.

Кондак священномученику Алексию Ставровскому

Во граде святаго Петра священнодействитель показался еси,
Христово бо, Алексие, Евангелие исполнил,
положил еси душу твою о людех твоих,
и спасл еси иерея от смерти,
сего ради и освятился еси,
яко великий таинник Божия благодати.

Тропарь преподобного Алексия, человека Божия

Возвысився на добродетель и ум очистив,
к Желанному и Крайнему достигл еси,
безстрастием же украсив житие твое,
и пощение изрядное восприим совестию чистою,
в молитвах яко безплотен пребывая,
возсиял еси яко солнце в мире,
преблаженне Алексие.

Ин тропарь преподобного Алексия, человека Божия

Яко чистоты светильник пресветел показася,
дивный Алексие,
ибо тленный чертог
на нетленное Божие Царствие пременив,
яко целомудрия делатель преизряден.
Сего ради предстоиши Господеви, всех Царю.
Егоже моли, даровати нам мир и велию милость.

Кондак преподобного Алексия, человека Божия

Дом родителей твоих, яко чужд, имев,
водворился еси в нем нищеобразно
и, по преставлении венец прием славы,
дивен на земли явился еси, Алексие, человече Божий,

Ангелом и человеком радование.

Молитва преподобному Алексию, человеку Божию

О, великий Христов угодниче, святый человече Божий Алексие, душею на Небеси Престолу Господню предстояй, на земли же данною ти свыше благодатию различная совершаяй чудеса! Призри милостиво на предстоящия святей иконе твоей люди, умиленно молящияся и просящия от тебе помощи и заступления. Простри молитвенно ко Господу Богу честнии руце твои и испроси нам от Него оставление согрешений наших вольных и невольных, в недузех страждущим исцеление, напаствуемым заступление, скорбящим утешение, бедствующим скорую помощь, всем же, чтущим тя, мирную и христианскую живота кончину и добрый ответ на страшнем Суде Христове. Ей, угодниче Божий, не посрами упования нашего, еже на тя по Бозе и Богородице возлагаем, но буди нам помощник и покровитель во спасение, да, твоими молитвами получивше благодать и милость от Господа, прославим человеколюбие Отца и Сына и Святаго Духа, в Троице славимаго и покланяемаго Бога, и твое святое заступление, ныне, и присно, и во веки веков. Аминь.