NULL

Именины Анна

Имя Анна почитается в православии 30 раз в 2020 году. День Ангела - одна из этих дат. Чтобы определить День Ангела Анна вашего знакомого, надо найти день памяти святого, следующий за датой её рождения.
Полное имя:

Церковное имя:

Анна

Ближайшие именины Анна - 23 сентября
Анна Боровская

Мученицы Наталия Сундукова, Наталия Силуянова, Евдокия Назина, Анна Боровская, Матрона Наволокина, Варвара Деревягина, Анна Попова, Евдокия Гусева, Евфросиния Денисова, Агриппина Киселева и Наталия ВасильеваМученица Наталия Ивановна Сун

Читать далее
Даты именин Анна в 2020 году по православному календарю img title

Святые с именем Анна в 2020 году почитаются 30 раза. Одна из этих дат - День Ангела человека, носяцего имя Анна.

Ближайшие именины

Январь

Февраль

Март

Апрель

Май

Июнь

Июль

Август

Сентябрь

Октябрь

Ноябрь

Декабрь

Что подарить на именины?

Ниже вы можете найти православные подарки для на именины (День Ангела). Наша церковная лавка Святцы открыта для Вас!

Поиск по имени

Молитвы к Анна

Тропарь великой княгини Анны Кашинской

Днесь восхваляем тя, преподобная мати,
великая княгине инокине Анно:
яко бо лоза плодовита посреде терния,
процвела еси во граде Кашине твоими добродетельми,
всех удивила еси чудным твоим житием,
темже Христу Богу угодила еси,
и ныне, радующися и веселящися,
пребывавши с лики преподобных жен,
наслаждающися райския красоты и веселия.
Молим убо тя:
моли о нас Человеколюбца, Христа Бога нашего,
даровати нам мир и велию милость.

Ин тропарь великой княгини Анны Кашинской

Просветившися Божественною благодатию, преподобная,
и правостию умною душу твою привязавши в любовь Христову,
тленныя, и красныя, и временный нивочтоже вменила еси.
Крестным знамением на мысленный враги мужески вооружившися,
постническими подвиги, постом и молитвами
углие страстей угасила еси, достославная Анно,
и по смерти источавши благодать притекающим к мощем твоим.
И ныне, в Небеснем чертозе с мудрыми девами предстоящи Христу,
моли о нас, почитающих святую память твою.

Кондак великой княгини Анны Кашинской

Яко пресветлая звезда,
явилася еси в Российстей земли, во граде Кашине,
преподобная мати Анно,
во всех благочестивых и верных женах,
аки крин, процвела еси чистым и непорочным твоим житием,
во инокинях же совершенными твоими труды и подвиги,
и возшла еси к Вышнему граду, радующися и веселящися,
яко добре совершивши твое течение,
и ныне честныя твоя мощи,
аки бисерие драгое, явишася,
на исцеление всем, приходящим с верою.
Тем и вопием ти:
радуйся, всекрасная душею,
и моли Христа Бога
о спасении душ наших.

Ин кондак великой княгини Анны Кашинской

Скоропослушную помощницу, вси, сущии в бедах,
благочестно воспоем, Анну святую,
днесь любовию сошедшеся во обретение честных мощей ея.
Воспоем песнь Единому в Троице Богу, радующеся,
сподобльшему нас видети пречистое сокровище честных мощей ея:
от мног бо лет сокровены быта,
напоследок же нам явлены
и источают многа и различна исцеления.
Яко да молитвами ея к Богу
от всяких находящих зол избавимся,
радостною душею и веселием сердца благодарная воспоем, глаголюще:
радуйся, утверждение граду нашему.

Величание великой княгини Анны Кашинской

Ублажаем тя, преподобная мати, великая княгине Анно, и чтим святую память твою, наставнице инокиням и собеседнице Ангелом.

Молитва благоверной княгине Анне Кашинской

О, преподобная и преблаженная мати Анно! Смиренно припадающе к честным мощем твоим, молимся со слезами прилежно: не забуди убогих твоих до конца, но поминай нас всегда во святых твоих и благоприятных молитвах к Богу. О, преблаженная великая княгине Анно! Не забуди присещати чад твоих, аще бо телом и преставилася еси от нас, но и по смерти жива пребывавши и не отступавши от нас духом, сохраняющи нас от стрел вражиих, всякия прелести бесовския и козней диавольских. Молитвеннице наша усердная! Не престай молящися за ны ко Христу, Богу нашему, аще бо мощей твоих рака пред очима нашима выну видима есть, но святая душа твоя, со Ангельскими воинствы у Престола Вседержителя предстоящи, достойно веселится. К тебе убо припадаем, тебе молимся, тебе мили ся деем: молися, преблаженная Анно, Всемилостивому Богу нашему о спасении душ наших, еже испросити нам время на покаяние и невозбранно прейти от земли на Небо, мытарств горьких и вечныя муки избавитися и Небесному Царствию наследником быти со всеми преподобными, от века угодившими Господу нашему Иисусу Христу, Емуже слава, со Безначальным Его Отцем, и с Пресвятым, и Благим, и Животворящим Его Духом, ныне, и присно, и во веки веков. Аминь.

Тропарь преподобноисповеднице Анне (Столяровой)

О́браз кро́тости и благоче́стия яви́лася еси́ в земле́ Рязанской свята́я А́нна.
От ю́ности Го́спода возлюби́в,
пе́нием, бде́нием и моле́нием И́мя свято́е Его́ восхваляла еси́.
Со смире́нием тя́жкия страда́ния в темни́це претерпе́ла еси́,
вознося́ за все́ благодаре́ние ко Го́споду.
Мы́ же ны́не прославля́ем тя́, свята́я преподобноисповедница,
я́ко храни́тельницу свята́го о́браза Пресвяты́я Богоро́дицы «Спору́чница гре́шных»

и ди́вную моли́твенницу о душа́х на́ших.

Тропарь благоверной княгини Анны Новгородской

От запада возсиявши, яко звезда небосветлая,
прияти Православную веру сподобилася еси,
в нейже плод благославный Русской земле принесши,
святая благоверная княгине Анно,
Христа всем сердцем возлюбила еси,
Того оправдания и законы хранящи;
темже днесь всесвятую твою память празднующе,
грехов оставление молитвами твоими приемлем.

Кондак благоверной княгини Анны Новгородской

Днесь в светлой памяти твоей
Великий Новград веселится,
созывая всех верных светло праздновати память твою,
и мы ныне, духовно ликовствующе,
радостно славим тя и молим:
святая благоверная княгине Анно,
предстоя Святей Троице
моли избавити Великий Новград и всю землю Русскую
от всяких бед и обстояний и всем нам спастися.

Тропарь праведным Симеону Богоприимцу и Анне пророчице

Радуйся, Богоприимче старче Симеоне,
во объятия приемый Спаса Господа.
Веселися и ты, честная пророчице Анно,
возвестивши пришествие в мир Христа Бога нашего,
сокрушившаго державу вражию

и подающего нам велию милость.

Кондак праведным Симеону Богоприимцу и Анне пророчице

Во избранных Божиих, блаженне старче Симеоне,
на Небеси предстоиши пред лицем Христа Бога,
Егоже во храме, яко Младенца руконосимаго,
во объятия своя от всепречистых рук приял еси
и со Анною пророчицею яко Бога исповедал еси.
Темже похвальными гласы ублажаем вас:
радуйся, Богоприимче старче Симеоне,
радуйся, пророчице честная Анно,

радуйтеся, Бога во Плоти познавшии.

Тропарь праведным Симеону Богоприимцу и Анне пророчице

Радуйся, Богоприимче старче Симеоне,
во объятия приемый Спаса Господа.
Веселися и ты, честная пророчице Анно,
возвестивши пришествие в мир Христа Бога нашего,
сокрушившаго державу вражию

и подающего нам велию милость.

Кондак праведным Симеону Богоприимцу и Анне пророчице

Во избранных Божиих, блаженне старче Симеоне,
на Небеси предстоиши пред лицем Христа Бога,
Егоже во храме, яко Младенца руконосимаго,
во объятия своя от всепречистых рук приял еси
и со Анною пророчицею яко Бога исповедал еси.
Темже похвальными гласы ублажаем вас:
радуйся, Богоприимче старче Симеоне,
радуйся, пророчице честная Анно,

радуйтеся, Бога во Плоти познавшии.

Тропарь праведной Анны

Жизнь рождшую во чреве носила еси, Чистую Богоматерь,
богомудрая Анно.
Темже к приятию Небесному, идеже веселящихся жилище,
в славе радующися, ныне преставилася еси,
чтущим тя любовию
прегрешений просящи очищение,

присноблаженная.

Тропарь святых праведных Богоотец Иоакима и Анны

Праведных Твоих, Господи, память празднующе,
теми молим Тя:

спаси души наша.

Тропарь Зачатия праведной Анны

Днесь безчадия узы разрешаются,
Иоакима бо и Анну услышав, Бог
паче надежды родити тем яве обещавает Богоотроковицу,
из Неяже Сам родися Неописанный, Человек быв,
Ангелом повелев вопити Ей:
радуйся, Благодатная,

Господь с Тобою.

Кондак праведной Анны

Прародителей Христовых память празднуем,
тех верно просяще помощи,
избавитися всем от всякия скорби, зовущим:

Бог наш с нами, сих прославлей, якоже благоволи.

Кондак святых праведных Богоотец Иоакима и Анны

Радуется ныне Анна,
неплодства разрешившися соуз,
и питает Пречистую,
созывающи вся воспети
Даровавшаго от чрева ея человеком

едину Матерь и Неискусомужную.

Кондак Зачатия праведной Анны

Празднует днесь вселенная
Аннино зачатие,
бывшее от Бога,
ибо та породи

паче слова Слово Рождшую.

Молитва святым праведным Иоакиму и Анне

О, присносла́внии Христо́вы пра́ведницы, святи́и Богоотцы́ Иоаки́ме и А́нно, предстоя́щии Небе́сному Престо́лу Вели́каго Царя́ и ве́лие дерзнове́ние к Нему́ иму́щии, я́ко от преблагослове́нныя дще́ри ва́шея, Пречи́стыя Богоро́дицы и Присноде́вы Мари́и, воплоти́тися изво́лившему, к вам, я́ко многомо́щным предста́телем и усе́рдным о нас моли́твенникам, прибега́ем мы гре́шнии и недосто́йнии. Моли́те бла́гость Его́, я́ко да отврати́т от нас гнев Свой, по дело́м на́шым пра́ведно на ны дви́жимый, и да безчи́сленныя прегреше́ния на́ша презре́в, обрати́т нас на путь покая́ния и на стезе́ за́поведей Свои́х да утверди́т нас. Та́же моли́твами ва́шими в ми́ре живо́т наш сохрани́те и во всех благи́х благо́е поспеше́ние испроси́те, вся я́же к животу́ и благоче́стию потре́бная нам от Бо́га да́рующе, от вся́ких напа́стей и бед и напра́сныя сме́рти, предста́тельством ва́шим нас избавля́юще, и от всех враг ви́димых и неви́димых защища́юще, я́ко да ти́хое и безмо́лвное житие́ поживе́м во вся́ком благоче́стии и чистоте́, и та́ко в ми́ре вре́менное сие́ житие́ преше́дше, в ве́чный дости́гнем поко́й, иде́же ва́шим святы́м умоле́нием, да сподо́бимся Небе́снаго Ца́рствия Христа́ Бо́га на́шего, ему́же со Отце́м и Пресвяты́м Ду́хом подоба́ет вся́кая сла́ва, честь и поклоне́ние во ве́ки веко́в. Ами́нь.

Молитва вторая святым праведным Иоакиму и Анне

О, святи́и пра́ведницы, Богоотцы́ Иоаки́ме и А́нно! Моли́те Милосе́рдаго Го́спода, я́ко да отврати́т от нас гнев Свой, по дело́м на́шим пра́ведно на ны дви́жимый, и да безчи́сленная прегреше́ния на́ша презре́в, обрати́т нас, раб Бо́жиих (имена), на путь покая́ния, и на стези́ за́поведей Свои́х да утверди́т нас. Та́же моли́твами ва́шими в ми́ре жизнь на́шу сохрани́те, и во всех благи́х благо́е поспеше́ние испроси́те, вся к животу́ и благоче́стию потре́бная нам от Бо́га да́рующе, от вся́ких напа́стей и бед и внеза́пныя сме́рти предста́тельством ва́шим нас избавля́юще и от всех враг ви́димых и неви́димых защища́юще, и та́ко в ми́ре вре́менное сие́ житие́ преше́дше в ве́чный дости́гнем поко́й, иде́же ва́шим святы́м умоле́нием да сподо́бимся Небе́снаго Ца́рствия Христа́ Бо́га на́шего, Ему́же, со Отце́м и Пресвяты́м Ду́хом, подоба́ет вся́кая сла́ва, честь и поклоне́ние во ве́ки веко́в. Ами́нь.