NULL

Именины Дионисий

Имя Дионисий почитается в православии 30 раз в 2020 году. День Ангела - одна из этих дат. Чтобы определить День Ангела Дионисий вашего знакомого, надо найти день памяти святого, следующий за датой его рождения.
Полное имя:

Церковное имя:

Дионисий

Ближайшие именины Дионисий - 30 декабря
Дионисий Закинфский

В миру Драганиг Сигур, родился в 1547 году на острове Закинф в Ионическом море, его предки были родом из Венеции. Был образован священниками и свободно владел греческим, итальянским и латынью.В 21 год он передал всё своё имущество младшему брату и сестре, а сам ушёл в монастырь. В 1568 год

Читать далее
Даты именин Дионисий в 2020 году по православному календарю img title

Святые с именем Дионисий в 2020 году почитаются 30 раза. Одна из этих дат - День Ангела человека, носяцего имя Дионисий.

Ближайшие именины

Январь

Февраль

Март

Май

Июнь

Июль

Август

Сентябрь

Октябрь

Ноябрь

Декабрь

Что подарить на именины?

Ниже вы можете найти православные подарки для на именины (День Ангела). Наша церковная лавка Святцы открыта для Вас!

Поиск по имени

Молитвы к Дионисий

Тропарь священномученика Дионисия Ареопагита

Благости научився и трезвяся во всех,
благою совестию священнолепно оболкся,
почерпл еси от сосуда избраннаго неизреченная
и, веру соблюд, равное течение совершил еси,
священномучениче Дионисие,
моли Христа Бога

спастися душам нашим.

Кондак священномученика Дионисия Ареопагита

Небесная врата прошед духом, яко ученик
до третияго Небесе достигшаго апостола, Дионисие,
неизреченных обогатился еси всяким разумом
и озарил еси во тьме неведения седящия.
Темже зовем:

радуйся, отче всемирный.

Тропарь преподобного Дионисия, игумена Глушицкого

Божественною любовию от юности распалаемь,
Дионисие преподобне,
вся, яже в мире красная, возненавидев,
Христа единаго возлюбил еси
и сего ради во внутреннюю пустыню вселился еси,
со зверьми живый, весь Христови.
Отонудуже и Всевидящее Око, твоя труды видев,
даром чудес и по преставлении обогатил тя есть.
Темже вопием ти:
моли непрестанно о всех нас,
честную память твою присно
в песнех почитающих.

Тропарь преподобных Амфилохия, Макария, Тарасия и Феодосия Глушицких

Светильники светлыя явльшеся,
доброту земную мудренно оставльше,
и идоша во внутреннюю пустыню, Амфилохие, Макарие, Тарасие и Феодосие,
смирение и всякую добродетель извыкше,
и обретоша безсмертие,
постом и бдением и прочим воздержанием себе приносяще Христу,
и ныне на Небесех Престолу Христову предстоите.
Молите, отцы Богомудрии, Амфилохие, Макарие, Тарасие и Феодосие,
умирити мир и спастися душам поющих вас,
и согрешений оставление даровати
чтущим всечестную память вашу.

Кондак преподобного Дионисия, игумена Глушицкого

Все твое умное желание к Богу вперив,
Тому невозвратно от души последовал еси, в пустыню вселився,
и, тамо ангельски пожив, многим путь был еси ко спасению;
сего ради и Христос тебе прослави и даром чудес обогати.
Темже вси вопием ти:
радуйся, Дионисие преподобне, пустынный жителю.

Кондак преподобных Амфилохия, Макария, Тарасия и Феодосия Глушицких

Яко светила незаходимая мысленнаго Солнца, просветисте вселенную,
верным души и телеса лучами чудес ваших озаряюще,
независтно подаваете от недуг исцеление,
темже, сошедшеся верою, вас в песнех восхвалим,
яко найти премудрыя наставники и к Богу ходатаи,
и непрестанно вопием:
радуйтеся, отцы Богомудрии Дионисие и Амфилохие.

Тропарь семи отроков Ефесских

Велия веры чудесе,
в пещере, яко в чертозе царском,
святии седмь отроцы пребыша,
и умроша без тли,
и по мнозех временех восташа, яко от сна,
во уверение воскресения всех человеков.

Тех молитвами, Христе Боже, помилуй нас.

Ин тропарь семи отроков Ефесских

Благочестия проповедники и Воскресения умерших изобразители,
Церкви столпы седмочисленныя,
отроки всеблаженныя песньми восхвалим:
тии бо по многих летех нетления, аки от сна воставше,
всем возвестиша яве мертвых востание.

Кондак семи отроков Ефесских

Мира сущая тленная презревше
и нетленныя дары приемше,
умерше, кроме тления пребыша.
Темже востают по многих летех,
все погребше лютых неверие,
яже во хвалении днесь, вернии, восхваляюще,

Христа воспоим.

Ин кондак семи отроков Ефесских

Прославивый на земли святыя Твоя
прежде втораго и страшнаго пришествия Твоего, Христе,
преславным востанием отроков
показал еси Воскресение неведящим е,
нетленна одеяния и телеса явив,
и царя уверил еси вопити:
воистинну есть мертвых востание.

Молитва святым семи отрокам во Ефесе

О, пречуднии святии седмочисленнии отроцы, Ефеса града похвало и всея вселенныя упование! Воззрите с высоты небесныя славы на нас, любовию память вашу чтущих, наипаче же на младенцы христианския, вашему заступлению от родителей своих препорученныя: низведите на ня благословение Христа Бога, рекшаго: оставите детей приходить ко Мне: болящия убо в них исцелите, скорбящия утешите; сердца их в чистоте соблюдите, кротостию исполните я, и в земли сердец их зерно исповедания Божия насадите и укрепите, во еже от силы в силу им возрастити; и всех нас, святей иконе вашей предстоящих, мощи же ваша с верою лобызающих и тепле вам молящихся, сподобите Царствие Небесное улучити и немолчными гласы радования тамо прославляти великолепое имя Пресвятыя Троицы, Отца и Сына и Святаго Духа во веки веков. Аминь.

Тропарь преподобного Дионисия, затворника Печерского, в Дальних пещерах

Жертву Безкровную приносивый Господеви непорочне
и служивый Ему по званию своему многое время неленостне,
священне Дионисие,
молися о нас,
любовию чтущих тя.

Кондак преподобного Дионисия, затворника Печерского, в Дальних пещерах

Священнодействовавшаго на земли священнолепно
и потрудившагося в чину своем добре,
ныне же на Небесех ликуеши светло,
священными похваляем тя песньми, Дионисие, и молим:
моли Христа Бога непрестанно о всех нас.

Величание преподобного Дионисия, затворника Печерского, в Дальних пещерах

Ублажаем тя, преподобне отче Дионисие, и чтим святую память твою, наставниче монахов и собеседниче ангелов.

Тропарь преподобного Дионисия, архимандрита Радонежского

Земная, прельщающая очеса миролюбцев,
возненавидел еси, отче Богоносне Дионисие,
за уметы та вменив,
шествуя путем скорбным,
и в терпении добр воин Христов явился еси,
победив страсти мира,
был еси до кончины непоколебимый благочестия поборник.
Темже мы днесь, совершая священную память твою,
духовными тя песньми ублажаем и смиренно молим,
да, предстоя Престолу Господа Бога,
ходатайствуеши о спасении душ наших.

Ин тропарь преподобному Дионисию, архимандриту Радонежскому

Благости научився от Вышняго благодати,
измлада подвизався благою совестию,
Дионисие преподобне,
терпения столп был еси
и слова Божия проповедник,
благочестия догматы утвердив и суеумных мудрование упразднив,
темже и пострадал еси за истину, радуяся,
образ страдальцем собою показав,
но, яко имея дерзновение ко Христу Богу,
не престай моляся о нас,
любовию чтущих святую память твою.

Кондак преподобного Дионисия, архимандрита Радонежского

Свет Трисиянный, вселивыйся в душу твою,
сосуд избран показа тя,
вещающа Божественная людем,
исповедник Божия Слова явился еси,
и прилагающих Божеству вещественный огнь
явственно обличил еси,
и злославных смыслы, яко паучинное прядение, растерзал еси,
благочестия столп и забрало твердое мирови показался еси
и сего ради от Вселенскаго Патриарха дивне похвален был еси.
Мы же благодарными гласы, веселящеся, вопием ти:
радуйся, отче наш, Дионисие преподобне.

Ин кондак преподобного Дионисия, архимандрита Радонежского

Пра́вило ве́ры, столп благоче́стия
был еси́, Богоно́сне Диони́сие,
яви́в в себе́ о́браз и приме́р
преуспе́яния доброде́тели и по́двигов:
се́ю Ева́нгельскою мре́жею
мно́гих улови́л еси́ подража́телей,
подая́ блестя́щею на Небеси́ сла́вою свое́ю
ре́вность к соде́йствованию на по́льзу правове́рных.
Те́мже мы, ны́не воспева́юще сия́, мо́лим тя,
да хода́тайствуеши о стране́ на́шей

и о всем Це́ркви исполне́нии.

Молитва святителю Дионисию, архиепископу Суздальскому

О, святителю отче Дионисие, ты веси немощь естества нашего и скорбь времен настоящих, пролей о нас твоя теплыя молитвы и умоли Человеколюбца Господа, да не погубит нас со беззаконии нашими, но обратит к покаянию и исправлению, да прочее время жития нашего земнаго не в работе греху и страстем, но в делании заповедей Его святых и во благочестии провождаем. Не презри и не посрами упования нашего, но буди о нас предстатель немолчный к Богу, да сохранит нас от мирских искушений, от диавольских сетей и от плотских похотей, да дарует нам во бранех терпение неослабное. В час же смертный явися нам, отче, заступник необоримый, ускори тогда на молитву о нас, безпомощных, и помози нам мирную и благую кончину улучити, грозная мытарства воздушная без препятия минути и в Небесный Горний Иерусалим внити. О всеблаженне отче наш Дионисие, сподоби ны последовати, по силе нашей, святому твоему житию! Яко да всемилостивым предстательством Преблагословенныя Владычицы нашея Богородицы и Приснодевы Марии и твоими святыми молитвами сподобит нас Преблагий Христос Бог наш наследники быти Царствия Своего Небеснаго, славящих и величающих Его купно со Безначальным Его Отцем и Пресвятым и Благим и Животворящим Духом, ныне и присно и во веки веков. Аминь.