NULL

Именины Григорий

Имя Григорий почитается в православии 54 раз в 2020 году. День Ангела - одна из этих дат. Чтобы определить День Ангела Григорий вашего знакомого, надо найти день памяти святого, следующий за датой его рождения.
Полное имя:

Церковное имя:

Григорий

Ближайшие именины Григорий - 28 сентября
Григорий Троицкий

Священномученик Григорий Иосифович Троицкий родился 1 октября 1870 года в селе Громок Моршанского уезда Тамбовской губернии (ныне Башмаковский район Пензенской области) в семье священнослужителя. По окончании Ставропольской Духовной семинарии 22 июля 1892 года определен

Читать далее
Даты именин Григорий в 2020 году по православному календарю img title

Святые с именем Григорий в 2020 году почитаются 54 раза. Одна из этих дат - День Ангела человека, носяцего имя Григорий.

Ближайшие именины

Январь

Февраль

Март

Апрель

Май

Июнь

Июль

Август

Сентябрь

Октябрь

Ноябрь

Декабрь

Что подарить на именины?

Ниже вы можете найти православные подарки для на именины (День Ангела). Наша церковная лавка Святцы открыта для Вас!

Поиск по имени

Молитвы к Григорий

Тропарь священномученику Григорию, Патриарху Константинопольскому

Благословен еси, Христе Боже наш,
укрепивши Божественнаго патриарха,
низпославый тому свыше Свою благодать,
имже и нас свободил еси от работы вражия,
Человеколюбче, слава Тебе.

Кондак священномученику Григорию, Патриарху Константинопольскому

Святителю и мучениче Григорие,
за люди твоя душу положивый
и в светоносный день Христова Воскресения пострадавый,
молися Страдавшему за ны и Воскресшему
Церковь Православную незыблему всегда хранити,
пастве же твоей и Русстей земле, святыя мощи твоя с любовию лета многа хранившей,
даровати мир и велию милость.

Тропарь преподобным Григорию и Кассиану Авнежским

Боже отец наших,
творяй присно с нами по Твоей кротости,
не отстави милость Твою от нас,
но молитвами их
в мире управи живот наш.

Тропарь преподобным Григорию и Кассиану Авнежским

Православия наставницы,
благочестия и чистоты учителие,
Церкви Вологодстей богодарованное украшение,
преподобнии отцы наши Григорие и Кассиане,
молите Милостиваго Бога,
да вашим предстательством подаст благодать и мир стране нашей
и душам нашим спасение.

Кондак преподобным Григорию и Кассиану Авнежским

Иже плотская мудрования Духови повинувше
и вся, яже на земли, презревше,
Христу, Единому Богу, прилепившеся, святии,
и Того ради в пустыню вселишася,
источаете ныне исцеления
с верою притекающим к мощем вашим,
полезная нам просите от Бога
молитвами вашими богоприятными,
Григорие и Кассиане преподобнии.

Тропарь святителям Амфилохию Иконийскому и Григорию Акрагантийскому

Бо́же оте́ц на́ших,
творя́й при́сно с на́ми по Твое́й кро́тости,
не отста́ви ми́лость Твою́ от нас,
но моли́твами их

в ми́ре упра́ви живо́т наш.

Тропарь священномученика Григория

И нравом причастник,
и престолом наместник апостолом быв,
деяние обрел еси, богодухновенне,
в видения восход;
сего ради слово истины исправляя,
и веры ради пострадал еси даже до крове,
священномучениче Григорие,
моли Христа Бога

спастися душам нашим.

Кондак священномученика Григория

Благославнаго и священноначальника вси,
яко страдальца истины,
днесь верни в песнех и песнопениих восхвалим,
бодраго пастыря и учителя Григория,
всемирнаго светильника и поборника,

Христу бо молится, еже спастися нам.

Тропарь святителю Григорию Богослову

Па́стырская свире́ль богосло́вия твоего́
ри́торов победи́ трубы́,
я́коже бо глубины́ ду́ха изыска́вшу,
и добро́ты веща́ния приложи́шася тебе́.
Но моли́ Христа́ Бо́га, о́тче Григо́рие,

спасти́ся душа́м на́шим.

Кондак святителю Григорию Богослову

Богосло́вным язы́ком твои́м сплете́ния ри́торская разруши́вый, сла́вне,
Правосла́вия оде́ждею, свы́ше истка́нною, Це́рковь украси́л еси́,
ю́же и нося́щи, с на́ми зове́т твои́ми ча́ды:

ра́дуйся, о́тче, богосло́вия у́ме кра́йнейший.

Молитва святителю Григорию Богослову

О, великий во иерарсех вселенныя учителю богомудрый, преблаженне отче Григорие! Велия подвиги и труды твоя, яже во славу Святыя Церкве совершил еси: ты исповедник твердый и светильник веры Христовы на земли был еси, светом боговедения верныя озаряяй, ложныя учения попаляяй, и всему миру слово спасительныя истины возвещаяй. Ныне же, велие на небесех имеяй дерзновение ко Святей Троице, повози нам, со смирением к тебе припадающим, твердо и неизменно святую Православную веру до конца жития нашего сохранити, от маловерия же, сомнений и колебания в вере соблюди, да не прельщени будем богопротивных и душепагубных учений словесами. Дух ревности святыя, еюже ты пламенел еси, о преславный Церкве Христовы пастырю, возгрей предстательством твоим и в нас, ихже Христос постави быти пастырями, да всеусердно просвещаем и утверждаем в правей вере словесное стадо Христово. Испроси, о милосердный святителю, от Отца светов и всем, всякий дар коемуждо благопотребен: младенцем благое в страсе Божием возрастание, юным целомудрие, старым и немощным укрепление, скорбящим утешение, недугующим исцеление, заблуждшим вразумение и исправление, обидимым заступление, сиротам и вдовицам защищение, искушаемым благодатное поможение, отшедшим от сего временнаго жития, отцем и братиям нашим, блаженное упокоение. Ей, святче Божий, призри милостивно от Обителей Горних на нас смиренных, многими соблазнами и напастьми обуреваемых, и к земли приверженных возведи к высоте небесней. Преподаждь нам, преблагий отче, твое архипастырское и святое благословение, да оным осеняемии, в сие новое лето и во все прочее время живота нашего в мире, покаянии и послушании Святей Православной Церкви поживем, заповеди Христовы усердно творяще, подвигом добрым веры подвизающеся, и тако Царствия Небеснаго достигнем, идеже с тобою и всеми святыми сподоби Троицу Святую, Единосущную и Нераздельную, пети и славити во веки веков. Аминь.

Молитва вторая святителю Григорию Богослову

О, великий святителю отче Григорие, преславный Вселенския Церкве учителю, славы Пресвятыя Троицы всеусердный поборниче, Матере Божия и Ея Пренепорочнаго Девства предъизбранный исповедниче, пресветлый чистоты, смирения и терпения образе. Се аз многогрешный и недостойный на высоту небесную взирати, смиренно молю тя, премудрый Церкве Христовы учителю, научи мя тако богобоязненно житие свое проводити, да никогдаже на путь, Божиим повелением противен, уклонюся или совращен буду. Соблюди и избави мя твоим многомощным предстательством от соблазнов мира и козней диавольских, якоже избавил еси от них юношу, от Сладчайшаго Спасителя нашего отступивша и во власть сатаны впадша. Даруй мне силу душевную усердным быти подражателем добродетелей твоих высоких: соделай мя в вере правей тверда и непоколебима, укрепи мя малодушнаго в терпении и уповании на Господа, возгрей в сердце моем истинную Христову любовь, да небесных благ паче всех желаю и ими услаждаюся. Испроси мне у Господа искреннее о гресех сокрушение, да прочее время живота моего в мире, покаянии и исполнении заповедей Христовых провождати буду. Егдаже час моего скончания приблизится, ты, о преблагий отче, с Преблагословенною Девою Мариею, тогда ускори на помощь, защити мя от злобных наветов вражиих, и сподоби мя наследника быти райских селений, да купно с тобою и со всеми святыми непреступнаго Божия Величества Престолу предстану и Живоначальную, Единосущную и Нераздельную Троицу прославляю и воспеваю, присно и в безконечныя веки. Аминь.

Молитва третья святителю Григорию Богослову

О, великий и преславный святителю Христов, всея Вселенския Церкве учителю богомудрый, Православия твердый исповедниче и поборниче, преблаженне отче Григорие! Призри от высот небесных на нас, смиренно к тебе припадающих, и умоли Господа Вседержителя, Егоже верный на земли служитель был еси, да дарует нам веры правыя твердое и неизменное сохранение, Церкви Святей послушание, жития нашего исправление, и во всех нуждах, скорбех и искушениих скорое поможение, терпение же и укрепление. Подаждь нам твое святое благословение, да оным осеняемии, сие новое лето, и во вся дни богоугодно, в мире и покаянии, поживем, и во Царствии Небеснем сподобимся купно с тобою и со всеми святыми Живоначальнуто Троицу воспевати и славити, Отца и Сына и Святаго Духа, во веки веков. Аминь.

Тропарь святителя Григория Двоеслова, папы Римского

Иже от Бога свыше Божественную благодать восприем,
славне Григорие,
и Того силою укрепляема
евангельски шествовати изволил еси.
Отонудуже у Христа возмездие трудов приял еси, всеблаженне,
Егоже моли,
да спасет души наша.

Кондак святителя Григория Двоеслова, папы Римского

Подобоначальник показался еси Начальника пастырем Христа,
иноков чреды, отче Григорие,
ко ограде Небесней наставляя,
и оттуду научил еси стадо Христово заповедем Его,
ныне же с ними радуешися и ликуеши в Небесных кровех.

Тропарь преподобному Григорию Декаполиту

О́браз был еси́ воздержа́ния,
Боже́ственным Ду́хом вся просвети́в,
правове́рия те́чение соверши́л еси́,
уче́нием мир просвети́л еси́,
и злове́рных обличи́л еси́ смы́слы,
о́тче преподо́бне Григо́рие,

Христа́ Бо́га моли́ дарова́ти нам ве́лию ми́лость.

Кондак преподобному Григорию Декаполиту

Све́тлое тя со́лнце Це́рковь познава́ет,
доброде́телей красота́ми и исцеле́ний луча́ми
всех просвеща́я, Христо́в уго́дниче.
Те́мже пра́зднуем честну́ю па́мять твою́,
и почита́ем по́двиги твоя́,

всеблаже́нне о́тче, прему́дре Григо́рие.

Тропарь святителя Григория и преподобного Дометиана

Боже отец наших,
творяй присно с нами по Твоей кротости,
не отстави милость Твою от нас,
но молитвами их

в мире управи живот наш.

Ин кондак святителя Григория

Церкве Божественный иерарх
и премудрости честный тайноглагольник,
Ниссийский бодрый ум, Григорий,
со Ангелы ликовствуя
и наслаждался Божественным светом,
молится непрестанно о всех нас.

Кондак святителя Григория

Оком душевным бодрствуя, святителю,
бодр пастырь явился еси миру,
и жезлом мудрости твоея, и теплым предстательством твоим
вся отгнал еси злославныя, яко волки,
невредно соблюд стадо,

Григорие всемудре.

Тропарь святителю Григорию Паламе, архиепископу Солунскому

Правосла́вия свети́льниче,
Це́ркве утвержде́ние и учи́телю,
мона́хов добро́то, богосло́вов побо́рниче непребори́мый,
Григо́рие чудотво́рче, Фессалони́тская похвало́,
пропове́дниче благода́ти,

моли́ся вы́ну спасти́ся душа́м на́шим.

Тропарь святителю Григорию Паламе, архиепископу Солунскому

Правосла́вию наста́вниче, святи́телем украше́ние,
богосло́вцем побо́рниче непобеди́мый, Григо́рие чудотво́рче,
Солу́ню вели́кая похвало́, пропове́дниче благода́ти,

моли́ Христа́ Бо́га спасти́ся душа́м на́шим.

Кондак святителю Григорию Паламе, архиепископу Солунскому

Прему́дрости свяще́нный и Боже́ственный орга́н,
Богосло́вия све́тлую согла́сно трубу́,
воспева́ем тя Григо́рие Богоглаго́льниче:
но я́ко ум Уму́ Пе́рвому предстоя́й,
к Нему́ ум наш о́тче наста́ви, да зове́м:

ра́дуйся пропове́дниче благода́ти.

Тропарь преподобного Григория Пельшемского, Вологодского чудотворца

Любовию Христовою, богомудре, просветився,
добродетельми облистал еси:
и всякое наслаждение плотское возненавидев,
и в пустыню вселився, в нейже вельми подвизался еси в жизни сей временней
в пениих и во бдениих, и в пощениих.
Сего ради и Христос даром чудес обогати тя:
но поминай нас чтущих пресветлую память твою, преподобне отче Григорие,
и моли Христа Бога, спастися душам нашим.

Кондак преподобного Григория Пельшемского, Вологодского чудотворца

Христовою любовию уязвився преподобне,
и Тому невозвратным желанием последовал еси,
всякое наслаждение плотское возненавидев,
и в пустыню вселився, в ней вельми подвизался еси:
тем и Христос даром чудес обогати тя. Поминай нас чтущих пресветлую память твою, да зовем ти:
радуйся, преподобне Григорие, отче наш.

Величание преподобного Григория Пельшемского, Вологодского чудотворца

Ублажаем тя, преподобне отче Григорие, и чтим святую память твою, наставниче монахов и собеседниче ангелов.

Молитва преподобному Григорию Пельшемскому, Вологодскому

О, священная главо, преподобне отче, преблаженне авво Григорие! Не забуди чад твоих, ихже богоугодными труды и молитвенными подвиги духовно породил еси; поминай нас во святых твоих благоприятных молитвах и назидай предстательством твоим стадо твое, еже сам упасл еси; моли за ны, отче священный, дети твоя духовныя, яко имеяй дерзновение к Небесному Царю; не премолчи за ны ко Христу, и не презри нас, верою и любовию чтущих тя. Поминай недостойных нас пред Престолом Вседержителя, тебе бо дадеся благодать молитися за ны. Аще бо телом преставился еси от нас, но и по смерти жив во Христе пребываеши, не отступи от нас духом, сохраняй нас от стрел вражиих от прелести бесовския и козней диавольских, пастырю наш добрый. Се бо, ракою мощей твоих пребывая с нами, святою твоею душею с Небесными Силами у Престола Вседержителева предстоиши и тамо достойно славиши Господа. Темже, припадающе со умилением, молимся тебе о спасении душ наших; испроси нам время на покаяние и невозбранно прейти от земли на Небо чрез мытарства горьких бесов, да твоим предстательством от вечныя муки избавльшеся, Небесное Царствие наследовати сподобимся со всеми праведными, от века угодившими Христу Господу нашему; Емуже подобает всякая слава, честь и поклонение, ныне и в бесконечныя веки веков. Аминь.

Тропарь преподобного Григория, чудотворца Печерского

Пещерный житель и в телеси Ангел и чудотворец явился еси, богоносе отче наш Григорие, постом, бдением, молитвою небесная дарования приим, исцеляеши недужныя и души верою приходящим ти. Слава Давшему ти крепость, слава Венчавшему тя, слава Действующему тобою всем исцеления.

Кондак преподобного Григория, чудотворца Печерского

Велием воздержанием и нощными молитвами, преподобне чудотворче отче Григорие, приял еси от Бога дар чудотворения исцеляти недужныя, с верою к тебе притекающия, темже и наша многия болезни исцели, молимся.

Тропарь святителю Григорию Чудотворцу, епископу Неокесарийскому,

В моли́твах бо́дрствуя, чуде́с де́ланьми претерпева́я,
тезоиме́ние стяжа́л еси́ исправле́ния,
но моли́ся Христу́ Бо́гу, о́тче Григо́рие,
просвети́ти ду́ши на́ша,

да не когда́ у́снем в смерть.

Кондак святителю Григорию Чудотворцу, епископу Неокесарийскому,

Чуде́с мно́гих прие́м де́йство,
зна́меньми ужа́сными де́моны устраши́л еси́,
и неду́ги отгна́л еси́ челове́ческия, всему́дре Григо́рие:
чудотво́рец же имену́ешися,

зва́ние от дел прие́м.

Молитва святителю Григорию Чудотворцу, епископу Неокесарийскому

О, пречестна́я и свяще́нная главо́ и благода́ти Свята́го Ду́ха испо́лненная, Спа́сово со Отце́м обита́лище, вели́кий архиере́е, те́плый наш засту́пниче, святи́телю Григо́рие! Предстоя́ у Престо́ла всех Царя́ и наслажда́яся све́том единосу́щныя Тро́ицы и херуви́мски со а́нгелы возглаша́я песнь трисвяту́ю, вели́кое же и неизсле́дованное дерзнове́ние име́я ко всеми́лостивому Влады́це, моли́ спасти́ся па́ствы Христо́вы лю́дем, помози́ во бране́х оте́честву на́шему, и покори́ вся проти́вныя нам враги́, ми́рное и безмяте́жное жи́тельство на́ше устро́й: благостоя́ние святы́х церкве́й утверди́: архиере́и благоле́пием святи́тельства украси́: мона́шествующия к по́двигом до́браго тече́ния укрепи́: град сей и вся гра́ды на́ши и страны́ до́бре сохрани́, и ве́ру святу́ю непоро́чну соблюсти́ нам умоли́: мир весь предста́тельством твои́м умири́, от гла́да и па́губы изба́ви ны, и от нападе́ния иноплеме́нных сохрани́, ста́рыя уте́ши, ю́ныя наста́ви, безу́мныя умудри́, вдови́цы поми́луй, си́роты заступи́, младе́нцы возрасти́, плене́нныя возврати́, немощству́ющия исцели́, и везде́ те́пле призыва́ющия тя и с ве́рою притека́ющия к тебе́ и усе́рдно припа́дающия и моля́щияся тебе́ от вся́ких напа́стей и бед хода́тайством твои́м свободи́. Моли́ о нас всеще́драго и человеколюби́ваго Христа́ Бо́га на́шего, да и в день стра́шнаго прише́ствия Его́ от шу́ияго стоя́ния изба́вит нас, и ра́дости святы́х прича́стники сотвори́т со все́ми святы́ми во ве́ки веко́в. Ами́нь.