NULL

Именины Климент

Имя Климент почитается в православии 7 раз в 2020 году. День Ангела - одна из этих дат. Чтобы определить День Ангела Климент вашего знакомого, надо найти день памяти святого, следующий за датой его рождения.
Полное имя:

Церковное имя:

Климент

Ближайшие именины Климент - 08 декабря
Климент Римский

Труды священномученика Климента, папы Римского• • 

Читать далее

Что подарить на именины?

Ниже вы можете найти православные подарки для на именины (День Ангела). Наша церковная лавка Святцы открыта для Вас!

Поиск по имени

Молитвы к Климент

Тропарь священномученику Клименту, епископу Анкирскому

Лоза преподобства и стебль страдальчества,
цвет священнейший и плод Богоданный,
верным, всесвященне, присноцветущ, даровался еси,
но яко мучеников сострадалец
и священноначальников сопрестольник,
моли Христа Бога
спастися душам нашим.

Кондак священномученику Клименту, епископу Анкирскому

Лозы был еси честная розга Христова,
многострадальне Клименте всехвальне, явлься,
со страждущими же взывал еси:
Ты мучеников, Христе, светлое радование.

Ин кондак священномученику Клименту, епископу Анкирскому

Сад благоцветущ израсте во отечествии своем,
красен плод прозябе по вселенней во время страданий твоих,
темже память твою чтим, преподобне Клименте.
Сего ради источаеши миро, веселящее души наша.

Тропарь святителю Клименту, архиепископу Охридскому

Словесы наставил еси языки в веру Христову,
делы же возвысил еси себе к Божественней жизни,
святителю Клименте равноапостольне,
чудесы сияя приступающим к тебе верно
и знаменьми озаряя Церковь преславно,
сего ради честную твою память славим.

Ин тропарь святителю Клименту Охридскому

Яко труба Архангела Божия
оглашавши роди словенстии на вся веки
и к чудеси преславному утверждения людей твоих в Православии
прилагавши неиждиваемо чудеса велия даже доныне.
Темже с любовию почитаем присночестную память твою,
святителю Клименте равноапостольне, и молим:
молися о душах наших.

Кондак святителю Клименту Охридскому

Храм твой, святе, врачевство духовное
преславно показуется верно приступающим,
всех бо различных болезней избавляет,
страсти же душ всяческия усыпает.
Сего ради тя, всеблаженне,
тепла предстателя именуем.

Тропарь священномученикам Клименту Римскому и Петру Александрийскому

Бо́же оте́ц на́ших,
творя́й при́сно с на́ми по Твое́й кро́тости,
не оста́ви ми́лость Твою́ от нас, но моли́твами их

в ми́ре упра́ви живо́т наш.

Тропарь священномученику Клименту, папе Римскому

И́же от Бо́га чудоде́йствы
пресла́вно удивля́я вселе́нныя концы́ ми́ра,
свяще́нный страда́льче,
па́че естества́ мо́рю, соста́вы вода́м содева́еши разделе́ние
в честне́й па́мяти твое́й
всегда́ притека́ющим усе́рдно в Богозда́нную ти́ це́рковь,
чуде́сным твои́м моще́м,
и по всенаро́дном хожде́нии
мо́ре во еди́но тече́ние чудоде́тельне твори́ши,
Кли́менте преди́вный,

моли́ Христа́ Бо́га, спасти́ся душа́м на́шим.

Кондак священномученику Клименту, папе Римскому

Боже́ственнаго виногра́да священнооде́янна
все́м лоза́ яви́ся,
ка́плющи сла́дость прему́дрости,
моли́твами твои́ми, всече́стне,
да тебе́ истка́ну я́ко багряни́цу,
песнь мы́сленную принесе́м,
Кли́менте свя́те:

спаси́ рабы́ твоя́.

Кондак священномученикам Клименту Римскому и Петру Александрийскому

Це́ркве недви́жимии и Боже́ственнии пи́ргове,
благоче́стия Боже́ственнии столпи́ вои́стинну кре́пцыи,
Кли́менте с Петро́м всехва́льнии,

ва́шими моли́твами соблюди́те вся.

Молитва священномученику Клименту, папе Римскому

О, всечестны́й учениче́ верхо́внаго апо́стола Петра́, но́вый Пе́тре ве́ры Христо́вой, вторы́й Моисе́ю, священному́чениче Кли́менте, просвеще́нный уче́нием вели́каго апо́стола, венча́нный венце́м му́ченичества! Испроси́ на́м моли́твами твои́ми благода́ть Свята́го Ду́ха сохраня́ти ве́ру Христо́ву и церко́вныя спаси́тельныя обы́чаи, да расточи́тся безбо́жие. Умоли́, уго́дниче Бо́жий, Милосе́рдаго Творца́, да излие́тся на на́с благода́ть Свята́го Ду́ха, просвеща́ющая на́ши ду́ши, да попали́т Госпо́дь Бо́г страсте́й на́ших огнепа́льная стремле́ния, да сохрани́т на́с от вся́кия зло́бы, да спасе́т от напа́стей, бе́д и скорбе́й, и да пребу́дем ве́рными христиа́нами до конца́ жи́зни на́шея, сохраня́я в сердца́х на́ших па́мятование печа́лей, боле́зней и трудо́в твои́х, во сла́ву Бо́га Отца́ и Сы́на и Свята́го Ду́ха. Ами́нь.

Молитва вторая священномученику Клименту, папе Римскому

О, вели́кий чудотво́рче, священному́чениче Кли́менте! Приклони́ся ны́не к на́шим воздыха́нием серде́чным и помози́ нам во вре́менном житии́ сем твори́ти вся в зако́не Бо́жии предло́женная, вся́каго же греха́ отмета́тися. Ты, вели́кий подви́жниче, от ю́ности твоея́ клеветы́ претерпе́вый, мно́гия же боле́зни душе́вныя и труды́ понесы́й, помоли́ся ко Го́споду Бо́гу о нас, гре́шных и недосто́йных раб Бо́жиих (имена), да твои́м предста́тельством и заступле́нием пода́ст Всеблаги́й и нам, гре́шным, си́лу и кре́пость во благоду́шии претерпева́ти клеветы́ челове́ческия и я́же на земли́ ско́рби и сохрани́ти за́поведи Его́, да просла́вим пречестно́е и великоле́пое и́мя Го́спода Бо́га и Его́ благода́ть, да́нную тебе́, во ве́ки веко́в. Ами́нь.