NULL

Именины Меркурий

Имя Меркурий почитается в православии 4 раз в 2021 году. День Ангела - одна из этих дат. Чтобы определить День Ангела Меркурий вашего знакомого, надо найти день памяти святого, следующий за датой его рождения.
Полное имя:

Церковное имя:

Меркурий

Ближайшие именины Меркурий - 06 августа
Меркурий Смоленский, воин

Воин, потомок княжеского рода. Воспитанный в православии святой воин тайно вел подвижническую жизнь: был строгим постником, девственником, каждую ночь он втайне от всех воспевал благодарственные хваления Господу. В это время, в 1239 г., татарские полчища Батыя подошли к Смоленску и встали в 25 ве

Читать далее

Что подарить на именины?

Ниже вы можете найти православные подарки для на именины (День Ангела). Наша церковная лавка Святцы открыта для Вас!

Поиск по имени

Молитвы к Меркурий

Тропарь великомученику Меркурию Кесарийскому

Му́ченик Твой, Го́споди, Мерку́рий,
во страда́нии свое́м вене́ц прия́т нетле́нный от Тебе́, Бо́га на́шего:
име́яй бо кре́пость Твою́,
мучи́телей низложи́,
сокруши́ и де́монов немощны́я де́рзости.
Того́ моли́твами

спаси́ ду́ши на́ша.

Кондак великомученику Меркурию Кесарийскому

Во бране́х непобеди́маго во́ина
и в беда́х непосты́дна засту́пника,
пе́сньми Мерку́рия ублажи́м, сла́вяще,

пра́зднующия бо па́мять его́ ве́село от бед избавля́ет и скорбе́й.

Молитва великомученику Меркурию Кесарийскому

О, великому́чениче святы́й и до́блий во́ине Христо́в Мерку́рие, страда́нием, кро́вию и сме́ртию свое́ю ве́рность Христу́ и Це́ркви Его́ свиде́тельствовавый и сего́ ра́ди вене́ц жи́зни от Него́ прия́вый! Ны́не в хвале́бных пе́снех тебе́ прославля́юще, смире́нно к тебе́ припа́даем и усе́рдно мо́лим: предста́тель бу́ди пред Бо́гом о душа́х на́ших неусы́пный, умоли́ Влады́ку Го́спода, да сохрани́т Святу́ю Це́рковь Свою́ и всех чад ея́ в сою́зе любве́ и единомы́слии, да утверди́тся мир и безмяте́жие в лю́дех, во Оте́честве на́шем живу́щих, да позна́ют вси, я́ко Христо́с есть Путь, Истина и Жизнь, и да прии́дут к Нему́ вси тружда́ющиися и обремене́ннии, и упоко́ит их. О вели́кий уго́дниче Бо́жий! Кре́пкое стоя́ние в ве́ре на́шей да́руй нам, благода́тную по́мощь нам низпосли́, да ми́рное, ти́хое и богоуго́дное житие́ поживе́м в ве́це сем и досто́йне с тобо́ю в день о́ный восхва́лим Пресвяту́ю Тро́ицу, Отца́ и Сы́на и Свята́го Ду́ха, во ве́ки веко́в. Ами́нь.

Тропарь преподобному Меркурию, постнику Печерскому, в Дальних пещерах

Присносу́щныя, блаже́нне, жела́я сподо́битися жи́зни,
пра́ведне и непоро́чне
жизнь свою́ препроводи́л еси́ в ны́нешнем ве́це,
те́мже, Мерку́рие, жела́емаго ты дости́г,

моли́ и нам ве́чныя сподо́битися жи́зни.

Кондак преподобному Меркурию, постнику Печерскому, в Дальних пещерах

Преподо́бному во всех де́лех Го́сподеви преи́скренне рабо́тая,
и О́наго всегда́ в це́ркви преподо́бных Свои́х
преподо́бным воспева́я гла́сом,
насле́дил еси́, преподо́бне Мерку́рие, часть преподо́бных,

с ни́миже моли́ся о всех нас.

Тропарь мученику Меркурию Смоленскому

Возсия́в, я́ко звезда́ многосве́тлая,
в собо́рней це́ркви пред пречи́стым и чудотво́рным о́бразом Пречи́стей Богоро́дицы,
за Ню́же и за град Смоле́нск пострада́,
многоко́зненнаго и богоме́рзкаго царя́ Баты́я устраши́,
и си́льнаго исполи́на победи́, и лю́ди удиви́,
ду́шу свою́, многострада́льне Мерку́рие, за благоче́стие положи́,
я́ко Заха́риина и А́велева я́сно вопие́т твоя́ кровь ко Го́споду.

И ны́не моли́ся за ду́ши на́ша.

Кондак мученику Меркурию Смоленскому

Яви́ся во бране́х непобеди́мь во́ин,
от ри́млян ро́дом,
сыновство́ име́ гра́да Смоле́нска,
я́ко бо сих ра́ди нарече́ся,
я́ко от Богоро́дицы страж кре́пок посла́ся гра́ду,
пе́сньми Мерку́рия ублажи́м,
пра́зднующе ве́село па́мять его́,

я́ко да изба́вит град наш от беды́ ра́тник.

Ин кондак мученику Меркурию Смоленскому

Чистото́ю душе́вною ку́пно и теле́сною
и серде́чною к Бо́гу любо́вию и непреста́нною моли́твою
ри́мское бога́тство оста́вль
и прия́т бога́тство от Го́спода – вене́ц,
прие́м в ру́це копие́, кре́пко злове́рнаго царя́ Баты́я ужаси́,
и самохва́льнаго исполи́на победи́,
и вси вну́цы ага́рянския прожену́в, страстоте́рпче Мерку́рие,

моли́ Христа́ Бо́га спасти́ся душа́м на́шим.

Тропарь преподобному Меркурию Печерскому, епископу Смоленскому, в Ближних пещерах

Постом душу твою просветил еси,
молитвами непрестанными сердце твое сосуд Духа Святаго соделал еси,
преподобне отче наш Меркурие;
темже вся вражия ополчения крепко посрамил еси
и, яко победоносец истинный,
воздаяние получил еси от Христа Бога.
Тому помолися о душах наших.

Кондак преподобному Меркурию Печерскому, епископу Смоленскому, в Ближних пещерах

Любовию ко Христу уязвив твою душу,
преподобне отче наш Меркурие,
в пещернем мраце свет спасения обрел еси
и, яко чадо избранное великих отцев Печерских Антония и Феодосия,
вкупе с ними обитель райскую наследовал еси,
отонудуже призирай ныне на обитель земную,
в нейже подвизался еси,
и молися о чтущих память твою.