NULL

Именины Михаил

Имя Михаил почитается в православии 96 раз в 2020 году. День Ангела - одна из этих дат. Чтобы определить День Ангела Михаил вашего знакомого, надо найти день памяти святого, следующий за датой его рождения.
Полное имя:

Церковное имя:

Михаил

Ближайшие именины Михаил - 01 октября
Михаил Скобелев

Священномученик Михаил родился 14 ноября 1887 года в селе Бикалиха Тверской губернии в семье благочестивых крестьян Степана и Евдокии Скобелевых. Сердце верующего человека открыто свету просвещения, и родители Михаила, постаравшись дать ему хорошее образование, отдали ег

Читать далее
Даты именин Михаил в 2020 году по православному календарю img title

Святые с именем Михаил в 2020 году почитаются 96 раза. Одна из этих дат - День Ангела человека, носяцего имя Михаил.

Ближайшие именины

Январь

Февраль

Михаил Лисицын Михаил Марков (2) Михаил Виноградов Михаил Троицкий Михаил Плетнев Михаил Зеленцовский Михаил Болдаков Михаил Мякишев Михаил Марков Михаил Смирнов Михаил Трубников Михаил Агаев Михаил Тихоницкий Михаил Вотяков, Чистопольский Михаил Дмитрев Михаил Кобозев, Благиевский Михаил Платонов Михаил Блейве Михаил Денисов Михаил Плышевский Михаил Киселев Михаил Скобелев Михаил Самсонов Михаил Каргополов Михаил Новицкий Михаил Марков, Горетовский Михаил Богородский Михаил Ражкин Михаил Воскресенский Михаил (Кванин) Михаил Новоселов Михаил Накаряков Михаил Пятаев Михаил Гусев Михаил Ерегодский Михаил Лекторский Михаил Викторов Михаил Адамонтов Михаил Вологодский Михаил Белюстин Михаил Чельцов Михаил Горбунов Михаил Богородицкий Михаил Якунькин Михаил Сушков Михаил Арефьев Михаил Люберцев Михаил Дейнека Михаил Амелюшкин Михаил Богословский Михаил Исаев Михаил Макаров Михаил Околович Михаил (Жук) Михаил Березин Михаил Никологорский Михаил Борисов Михаил Твердовский Михаил Некрасов Михаил Строев Михаил Розов Михаил Белороссов Михаил Вознесенский Михаил Косухин Михаил Абрамов

Март

Апрель

Май

Июнь

Июль

Август

Сентябрь

Октябрь

Ноябрь

Декабрь

Что подарить на именины?

Ниже вы можете найти православные подарки для на именины (День Ангела). Наша церковная лавка Святцы открыта для Вас!

Поиск по имени

Молитвы к Михаил

Тропарь священномученикам Адриану Троицкому и Михаилу Березину

Якоже плод красный спасительнаго сеяния Христова, новыя мученицы благоугодныя жертвы показашася Царю и Богу, священне Адриане, учителю веры и проповедниче Благодати, и Михаиле, образе смирения и незлобия: сего ради древних страстотерпцев венцы равночестныя приясте от Подвигоположника. Того, яко Блага, молите спастися, молимся, душам нашим.

Кондак священномученикам Адриану Троицкому и Михаилу Березину

Светила разумная приидите восхвалим, вернии, священномучеников Адриана и Михаила воспоем во гласе хваления, мученическою бо кровию омывше землю Марийскую во время отступничества и помрачения, яко багряницею тою преукрасишася, и ныне Святей Троице предстоят, моля о нас Единаго Человеколюбца.

Тропарь благоверного князя Михаила Черниговского и боярина его Феодора

Троичнаго Божества осиянием просветився,
страстотерпче великий княже Михаиле,
с премудрым болярином ти Феодором,
самозванна к подвигом устремистася,
сквозе огнь не идоста,
кусту же и идолом не поклонистася, но оплеваста
и нечестиваго царя обличиста,
Христа же Единаго от Троицы Бога Суща исповедаста.
И Того ради кровей своих струями обагристася, славная.
Темже и венцы от Него победная прияста,
и нас свыше назираета,
молим вас, святыя, молите Того,
яко да вашими молитвами избавит нас от всяких обстоящих ны зол
и подаст нам вся благая,
Иже Един Сый прославляемый во святых Своих.

Тропарь мучеников и исповедников Михаила и Феодора

Жизнь вашу мученически совершивше,
исповедания венцы украсившеся, к Небесным востекосте,
Михаиле премудре с доблим Феодором,
молите Христа Бога
сохранити oтечество ваше,
град же и люди,

по велицей Его милости.

Ин тропарь мучеников и исповедников Михаила и Феодора

Блаженнии апостоли равночестнии,
прияли есте венец от Христа,
занеже того достоини Михаиле Богомудре и Феодоре дивне,
мир мирови испросите,
и душам нашим велию милость.

Кондак благоверного князя Михаила Черниговского и боярина его Феодора

Солнца мысленнаго праведнаго — Христа
озарився сиянием, пребогате Михаиле,
видимому солнцу не поклонился еси
и твари паче Творца не послужил еси
и нечестие обуздал еси,
ярости царя не убоявся
и крове своей обагрением
Христови предстал еси, радуяся.
И ныне в пренесении мощей твоих
нас свыше назирай и Христа Бога моли,
молимся яко спастися нам
и Православию непоколебиму пребыти,
Отечеству нашему соблюстися во всем
молитвами твоими, святе,
по велицей Его милости.

Кондак мучеников и исповедников Михаила и Феодора

Царство земное в ничтоже вменив,
славу, яко преходящую, оставил еси,
самозван пришед к подвигом,
Троицу проповедал еси пред нечестивым мучителем,
страстотерпче Михаиле с доблим Феодором,
Царю сил предстояще,
молите без вреда сохранити Отечество ваше, град же и люди,

да вас непрестанно почитаем.

Ин кондак благоверного князя Михаила Черниговского и боярина его Феодора

Верою укрепльшеся, святии, мучения претерпесте
и кровьми своими погасисте пламень сопротивных безбожия,
Христа же исповедасте, с Отцем и Духом,
Михаиле и Феодоре, Его молите за всех нас.

Ин кондак благоверного князя Михаила Черниговского и боярина его Феодора

Вышних ища, нижняя оставил еси,
колесницу на Небеса кровь свою сотворил еси,
тем собеседниче первомучеником бысть, Михаиле и Феодоре,
с ними же Христа Бога моля непрестанно за вся ны.

Ин кондак благоверного князя Михаила Черниговского и боярина его Феодора

Яко светило в Руси возсиявше, мучения лучами славными отразисте, страстотерпцы славнии, Михаиле и Феодоре, тем вопиясте:
ничтоже нас отлучит от любве Христовы.

Тропарь священномученику Михаилу Дмитреву

Сло́ва Бо́жия пропове́дниче, Правосла́вия защи́тниче, не́мощей душе́вных и теле́сных врачу́, па́стырю до́брый, ве́рность Христу́ сохрани́вый, священному́чениче о́тче на́ш Михаи́ле, моли́ Христа́ Бо́га, да спасе́т ны́, я́ко Человеколю́бец.

Кондак священномученику Михаилу Дмитреву

По́двигом па́стырским подвиза́яся, возлюби́л еси́ Христа́ да́же до сме́рти, те́м же удосто́ен бы́л еси́ от Него́ венца́, священному́чениче Михаи́ле, приими́ моле́ние на́ше и сотвори́ моли́тву о все́х на́с, творя́щих любо́вию па́мять твою́.

Тропарь святителя Михаила, митрополита Киевского

Днесь пророчествие во апостолех Первозваннаго исполнися:
се бо на сих горах возсия благодать и вера умножися.
И иже неверием обветшавший
Божественною купелию отродишася
и быша людие обновления,
царское священие, язык свят, Христово стадо,
емуже ты первый пастырь явился еси,
яко первее Крещением послуживый.
И ныне, предстоя Владыце Христу Богу,
моли всем сыном русским спастися:
имаши бо дерзновение яко иерарх Божий и священнослужитель.

Тропарь святителя Михаила

Днесь пророчествие во апостолех Первозваннаго исполнися,
се бо на сих горах возсия благодать и вера умножися.
И иже неверием обветшавшии
божественною купелию отродишася
и быша людие обновления, цаpское священие,
язык свят, Христово стадо,
емуже ты первый пастырь явился еси,
яко первeе Крещением послуживый.
И ныне, предстоя Владыце Христу Богу,
моли всем сыновом русским спастися,

имаши бо дерзновение, яко иерарх Божий и священнослужитель.

Кондак святителя Михаила, митрополита Киевского

Моисей вторый России явился еси, отче,
пренесый мысленный виноград от египетскаго идолослужения
в землю пророчествием предувидену.
Будет, рече, утверждение веры на земли,
и на версех гор Киевских превознесется паче Ливана
плод питающ мира всего.
От негоже вкусивше,
ублажаем тя, Михаиле, Божий иерарше.

Кондак святителя Михаила

Моисей вторый России явился еси, отче,
пренесый мысленный виноград
от египетскаго идолослужения в землю, пророчествием предувидену:
будет, рече, утверждение веры на земли,
и на версех гор Киевских превознесется паче ливана
Плод, питаяй мира всего,
от Негоже вкусивше,

ублажаем тя, Михаиле, Божий иерарше.

Молитва Михаилу, первому митрополиту Киевскому

Святый великий и преславный архипастырю и отче нaш Михаиле, страны Русския первопрестольниче и просветителю, всех же племен христианских благонадежный пред Богом ходатаю, тебе припадающе молимся: помози нам быти твоея к Богу любве подражателем, ею же в земнем животе твоем преисполнен был еси. Просвети умы и сердца наша светом Божественнаго учения. Научи нас тебе последовати верно и заповеди Господни усердно творити, да явимся чада твоя не именем токмо, но и всем житием, тако познаемся. Молися, равноапостольно иерарше, о Церкви русской, о граде твоем и обители, в ней же нетленно мощи твоя святыя почивают, и о всем Отечестве нашем, призри милостивно на вся верныя твоя чтители, помощи твоея ищущия: буди всем в болезнех целитель, в скорбех и печалех утешитель, в бедах и нуждах помощник, в час же смертный заступник и покровитель, да твоею помощию сподобимся и мы грешнии спасение получити и Царствие Христово наследовати. Ей, святителю Христов, аще восхощеши можеши помощи нам, да на помощь твою уповаюше, прославим Дивнаго во святых Своих Бога Отца и Сына и Святаго Духа, ныне и присно и во веки веков. Аминь.

Тропарь преподобного Михаила Клопского, Новгородского

Иже на земли Христа ради волею в буйство преложився,
мира сего красоты отнюд возненавидел еси
и, плотская играния увядив постом и жаждею и на земли леганием,
от зноя же и студени, от дождя и снега
и от прочия воздушныя тягости никогда же уклонился еси,
душу же очистил еси добродетельми, яко злато в горниле,
отче преподобне Богоносне Михаиле,
и ныне на Небесех предстоиши престолу Пресвятыя Троицы.
Но яко имея дерзновение многое,
моли Христа Бога спастися душам нашим.

Кондак преподобного Михаила Клопского, Новгородского

Духа Святаго силою уподобился еси Богоглаголивым древним пророком,
сказав безвестная и тайная и еже годе судьбам Божиим в сбытие,
и ина многа чудеса о Христе сотворив,
и люди удивив, торжествовати устроил еси вопиющия:
слава Богу, прославляющему святыя Своя.

Молитва преподобному Михаилу Клопскому

О преподобне и преблаженне отче наш Михаиле, ты, возжелав усердно шествовати во след Господа нашего Иисуса Христа, вся плотская мудрования отринул еси: ты отечество свое, род и временное благородство и земнаго царствия наследие оставив, монашества и юродства путь ко спасению и к наследию Царствия Небеснаго предызбрал еси; пришед же дйвне во обитель Пресвятыя Троицы, в ней трудолюбно и богоугодно подвизался, по премногу ко устроению ея споспешествовал еси и, от всех бед, от глада, вражияго нахождения, и огненнаго запаления, и всякаго зла оную сохраняя и защищая живущих в ней и к ней притекающих, пути Господню поучал еси; ты и ныне, Пресвятей Троице со всеми святыми предстоя и непрестанно насыщался зрения Божества Трисветлаго, поминай, молим тя, чтущих святую память твою, не премолчй, угодниче Христов, ко Господу моляся, да Он, благодатию Своею приосеняя притекающих к тебе и мощи твоя устами и сердцем лобызающих, здравы и невредимы сохранит и от всякия напасти свободит, подая путешествующим в пути благоспешество, болящим здравие, печальным утешение, сирым, вдовицам и всем напаствуемым скорое заступление и вспоможение и от вражиих наветов твердое ограждение и защищение. Не престай же моляся и о Богохранймей стране нашей, яко да, твоим предстательством и молитвами сохраняемы, вси возможем подвиг течения неблазненно совершити, славяще Святую Троицу, Отца и Сына и Святаго Духа, и твое заступление, ныне и присно и во веки веков. Аминь.

Тропарь преподобнаго Михаила Малеина

Крилами мысленными к Боговедению возлетев разумно,
мятеж мира оставил еси, блаженне,
презрев плоти мудрования,
мудрость Вышнюю взыскал еси, еже жити с Богом,
и всем образ дав собою, глаголя:
добро есть с Богом жити, Михаиле преподобне.

Ин тропарь преподобнаго Михаила Малеина

В тебе, отче, известно спасеся, еже по образу:
приим бо крест, последовал еси Христу
и, дея, учил еси презирати убо плоть, преходит бо,
прилежати же о души, вещи безсмертней.
Темже и со Ангелы срадуется, преподобне Михаиле, дух твой.

Кондак преподобного Михаила Малеина

Плотскую тяготу утончил еси делы,
душевную же быстрость вперил еси просвещением, Михаиле,
и явился еси Троице жилище,
Юже зря, блаженне, ясно,

моли непрестанно о всех нас.

Тропарь Константину (Ярославу) и чадом его Михаилу и Феодору, Муромским

Константин днесь весело ликовствует,
предстоя Престолу Пресвятыя Троицы,
видя отечествие свое, мастию духовною сияющее:
емуже последоваша Михаил и Феодор, сынове его,
и молятся вси трие вкупе о душах наших.

Кондак Константину (Ярославу) и чадом его Михаилу и Феодору, Муромским

Изрядному воеводе и правоверному князю Константину, с сынома его вкупе, отечество его хвалящися вопиет, имеющее его начальника и заступника, яко избавльшееся им от прелести и скверны идольския: сего ради вопием ему сице: радуйся, княже Константине, преблаженне.

Тропарь священномученику Михаилу Накарякову

Днесь ликует собор новомучеников Российских,
земли Пермския священномученика славнаго прославляя,
усольскаго пресвитера
Михаила добраго пастыря.
Во дни гонения безбожнаго
жизнь свою за Христа положившаго
и стояща у Престола Вседержителева
и молящагося за ны.

Егоже молитвами, Боже, спаси души наша.

Кондак священномученику Михаилу Накарякову

Благословение, премудре, стяжавый
и венец мучений приимый,
Троицы всесвятыя проповедниче,
иереев образе достохвальне,
новомучеников преславное удобрение,
блаженнее Михаиле богомудре,
молися Владыце Вседержителю

во еже спастися нам.

Молитва священномученику Михаилу Накарякову

О, преславне священномучениче Михаиле, душу за Христа предавый и кровию твоею пажить Его удобривый! Услыши нас, грешных, и непотребных чад твоих в час сей усердно прибегающих к ходатайству твоему. Моли о нас Человеколюбца Бога, да подаст нам дух покаяния и сокрушения о гресех наших, да всадит в сердца наши дух смирения и кротости, дух добротолюбия и незлобия, дух терпения и целомудрия, дух ревности к славе Божией и спасению ближних. Испроси, всехвальне священномучениче, отче наш Михаиле, от Господа пастырем нашим святую ревность по Бозе, сердечное попечение о спасении пасомых, благочестие и крепость во искушениих. Упраздни молитвами твоими злыя обычаи мира сего заражающия христианский род нерадением к Божественней Православной вере, к заповедем Господним, непочтением к родителем и властем предержащим, и низвергающий людей в бездну нечестия, развращения и погибели. Укрепи твоими молитвами русских Православных людей, благопоспеществуй нам во всех благих деяниях и начинаниях к водворению мира и правды в державе нашей, да всегда прославляем Отца и Сына и Святаго Духа, ныне и присно и во веки веков. Аминь.

Кондак святителю Михаилу, исповеднику Синадскому

Яко архиерей всечестен, и благочестия священнострадалец, прещения злоименитаго не убоявся, еретическое того противление победил еси, свободным гласом велегласно вопия: иконе покланяюся Христове, и Пречистыя Того Матере. Сего ради тя почитаем Михаиле.

Тропарь сщмч. Михаила Тихоницкого

Богоугодному житию всей душею возревновав
и мученическою кровию верность Христу запечатлел еси.
Священномучениче Михаиле,
моли Всеблагого Бога нашего,
да сохранит Церковь и землю Российскую от ересей, расколов, мятежа и брани,
укрепит нас в православии и единомыслии,
возниспослет нам милости своя и молитвами твоими спасет души наша.

Кондак сщмч. Михаила Тихоницкого

Во граде Орлове пастырь добрый был еси и Вятския земли первый новомучениче.
Спасу подобне за убийц своих молился еси,
о их прощении Господеви взывая.
И ныне у престола Человеколюбца предстоя
о прощении прегрешений наших взывати не престай,
Священномучениче Михаиле,
теплый наш ходатаю и скорый помощниче.

Тропарь благоверному князю Михаилу Тверскому

Возвы́сив ум твой к Бо́гу,
и жития́ со А́нгелы возжеле́л еси́,
тле́нную сла́ву земну́ю оста́вил еси́, блаже́нне,
и положи́л еси́ ду́шу твою́ за лю́ди твоя́,
воспpия́л еси́ вене́ц пpоти́ву тpудо́в твои́х, Богому́дpе Михаи́ле,

моли́ Хpиста́ Бо́га о чту́щих любо́вию святу́ю па́мять твою́.

Кондак благоверному князю Михаилу Тверскому

Вы́шних ищя́ и земну́ю сла́ву презре́в,
Це́рковь Бо́жию обагри́л еси́ твое́ю кро́вию,
за Ню́же и пострада́л еси́, свя́те Михаи́ле,
заколе́ние непра́ведное прие́м веселя́ся.
Те́мже со А́нгелы предстоя́ Христу́ Бо́гу,

моли́ непреста́нно за вся ны.

Молитва благоверному князю Михаилу Тверскому

Ди́вный во страда́льцех святы́й благове́рный вели́кий кня́же Михаи́ле! Ве́лия по́двиги и труды́ твоя́, я́же за правове́рие, за Це́рковь Бо́жию и за оте́чество твое́ град Тверь положи́л еси́. Ты, возжела́в вы́шних, оста́вил еси́ тле́нную сла́ву земну́ю, и ревну́я подви́жником Христо́вым, до́блественно противуста́л еси́ я́рости царя́ нечести́ваго и преще́нию зломы́шленнаго его́ воево́ды. Ты, прие́м непра́ведное осужде́ние и заколе́ние, восприя́л еси́ Небе́сное Ца́рствие, и кро́вными ка́плями, я́ко пречу́дным ка́менем, украси́в на главе́ свое́й вене́ц, предстои́ши ны́не на Небесе́х Престо́лу всех Влады́ки с ли́ки А́нгел и со все́ми святы́ми Его́. Сего́ ра́ди, притека́юще к ра́це моще́й твои́х, лобыза́ем о́ныя серде́чными устна́ми и уми́льно к тебе́ взыва́ем: о тезоимени́те небе́сному воево́де вы́шних сил, вели́кий кня́же Михаи́ле! Моли́ся непреста́нно Христу́ Бо́гу за град твой, за лю́ди и за вся правосла́вныя христиа́ны. Бу́ди спобо́рник кре́пок на враго́в правосла́вия Це́ркви Христо́вой. Бу́ди и нам помо́щник улучи́ти вся, к по́льзе на́шей и ко спасе́нию благопотре́бная, охраня́й нас от искуше́ний и напа́стей, приходя́щих во вре́менней жи́зни, и не лиши́ нас хода́тайства твоего́ ко Христу́ Бо́гу, во е́же получи́ти нам прегреше́ний проще́ние и сподо́битися Небе́снаго селе́ния со избра́нными Его́, я́ко да и в сем сла́вится пречестно́е и великоле́пое и́мя Его́ во ве́ки. Ами́нь.

Молитва вторая благоверному князю Михаилу Тверскому

О, святы́й кня́же Михаи́ле! Испроси́ нам, раба́м Бо́жиим (имена), у Го́спода Бо́га предста́тельством твои́м мир, здра́вие, долгоде́нствие и во всем благоспе́шество. Бу́ди нам помо́щник вся, я́же ко спасе́нию и по́льзе на́шей, восприя́ти; охраня́й нас от искуше́ний и напа́стей, во вре́менней жи́зни приходя́щих, и не лиши́ нас хода́тайства твоего́ ко Христу́ Бо́гу, во е́же получи́ти нам прегреше́ний проще́ние и сподо́битися Небе́снаго селе́ния со избра́нными Его́, я́ко да и в сем сла́вится пречестно́е и великоле́пое и́мя Его́ во ве́ки веко́в. Ами́нь.