NULL

Именины Никандр

Имя Никандр почитается в православии 10 раз в 2020 году. День Ангела - одна из этих дат. Чтобы определить День Ангела Никандр вашего знакомого, надо найти день памяти святого, следующий за датой его рождения.
Полное имя:

Церковное имя:

Никандр

Ближайшие именины Никандр - 03 ноября
Никандр Чернелевский

Священномученик иерей Никандр Чернелевский родился в 1880 году. Известно, что 3 ноября 1937 года он был умучен богопротивной властью, стяжав себе мученический венец. В 2000 году на Юбилейном Архиерейском Соборе Русской Православной Церкви отец Никандр был причислен к лик

Читать далее

Что подарить на именины?

Ниже вы можете найти православные подарки для на именины (День Ангела). Наша церковная лавка Святцы открыта для Вас!

Поиск по имени

Молитвы к Никандр

Тропарь преподобного Никандра пустынножителя, Псковского чудотворца

Глас Божественный,
иже во Евангелии, услышав, преподобне отче Никандре:
приидите ко Мне вси труждающиеся и обремененнии, и Аз упокою вы,
и прием крест, последовал еси Христу,
мир оставль, в пустыню вселился еси,
пощением же и бдением Небесный дар восприим,
и души недужных приходящих к тебе с верою исцелявши:
темже и со ангелы срадуется, преподобне, дух твой.

Ин тропарь преподобного Никандра пустынножителя, Псковского чудотворца

Светило незаходимаго света стране нашей явился еси, Богоблаженне,
доблественне претерпев вражия озлобления,
биение и раны яко одежда нетления вменишася тебе,
со зверьми бо брався, и от человек злых прободения прияв,
о тех молился еси, не постави им греха сего, глаголя;
темже Владыце Христу уподобился еси, достохвальне Никандре, отче наш,
молися о душах наших.

Кондак преподобного Никандра пустынножителя, Псковского чудотворца

Яко лучу тя солнечную Христос показа, преподобне,
сияеши бо в земли Российстей чудес благодатию,
и отгонявши тму страстей же и скорбей, от приходящих к тебе с верою:
темже почитаем твою память, Никандре
отче наш, и вопием ти: радуйся пустынножителей красото,
и стране нашей похвала и утверждение.

Ин кондак преподобного Никандра пустынножителя, Псковского чудотворца

Во избрание Богосиянная звезда веры,
иже возсия в Рустей земли, отче преблаженне Никандре,
слезами и постом и бдением и молитвами удручал тело свое,
темже и обрете Небесную жизнь,
и радостно тайно со Ангелы ликовствуя, да зовем ти: радуйся, отче преподобне Никандре пустынный жителю.

Величание преподобного Никандра пустынножителя, Псковского чудотворца

Ублажаем тя, преподобне отче Никандре, и чтим святую память твою, наставниче монахов и собеседниче ангелов.

Молитва преподобному Никандру Псковскому

О, преподобне и достоблаженне отче наш Никандре, постниче терпеливодушный, безмолвия рачителю предоблий, учителю спастися хотящим премудрый, наказателю ленивым претихий, разрешителю тлетворных страстей незлобивый, мужу желаний, прозорливства пророческаго исполненне, предвозгласная будущих благ цевнице, адаманте веры во Христа несекомый, незыблемый терпения столпе, заповедей Творца твоего совершителю благопослушливый, плотоносный Ангеле и Духа Святаго вместилище благовонное, жителю пустынный и бесов прогонителю, исполнителю всех добродетелей смиренномудрый, Небесный человече и сожителю горним чиноначалием, кротостию духа землю кротких наследовавый, друже Христов и угодниче Пресвятыя Богородицы, Яже и раку цельбоносных мощей твоих во храме Своем прославити благоизволи, изобильно от нея чудесному дождю на верных изливатися повелевши! К нейже припадающе с любовию, молим тя, досточудне: не престай молити Пресвятую и Живоначальную Троицу, низпослати стране нашей мир и благоденствие, на враги же победу и одоление, и от навет вражиих воинству нашему сохранитися в мире, Церквам согласие и всем людем тишину и изобилие благих даровати. И угаси, блаженне, молитвами твоими, парящия на ны разжженныя бесовския стрелы, да не прикоснется нам злоба греховная. И, всем вся милостивне даруя, призри и на мя, смиреннаго раба: связан бо есмь люте пленицами прегрешений и влекомь, увы мне! в пучину страстнаго моря неодержанно. Сего ради прилежно молю святыню твою, пребогате, и припадаю к раце мощей твоих со слезами: предстани мне на пути бедственнаго жития сего, расторгни узы, отжени страсти, ослаби от греховных вериг, избави мя от належащия скорби и от всякаго зла, разреши мя от болезненных уз и спасение души умоли мне, яко да воспою и прославлю в Троице славимаго Единаго Бога, Отца и Сына и Святаго Духа, ныне и в безконечныя веки веков. Аминь.