NULL

Именины Николай

Имя Николай почитается в православии 151 раз в 2020 году. День Ангела - одна из этих дат. Чтобы определить День Ангела Николай вашего знакомого, надо найти день памяти святого, следующий за датой его рождения.
Полное имя:

Церковное имя:

Николай

Ближайшие именины Николай - 28 сентября
Николай Скворцов

Священномученик Николай родился 13 июля 1875 года в селе Буняково Бронницкого уезда Московской губернии в семье священника Григория Павловича Скворцова и его супруги Юлии Ивановны. В 1895 году Николай окончил Московскую Духовную семинарию и был рукоположен во священника

Читать далее
Даты именин Николай в 2020 году по православному календарю img title

Святые с именем Николай в 2020 году почитаются 151 раза. Одна из этих дат - День Ангела человека, носяцего имя Николай.

Ближайшие именины

Январь

Февраль

Николай Порецкий Николай (Караулов), Вельский Николай (Могилевский), Алма-Атинский Николай Троицкий (2) Николай Троицкий (3) Николай Бежаницкий Николай Яхонтов Николай Щербаков Николай Смирнов Николай II Романов, император Российский Николай Родимов Николай Романовский Николай Толгский Николай Тарбеев Николай Георгиевский Николай Розов (3) Николай Малков Николай Силин Николай Дворицкий Николай Мациевский Николай Искровский Николай Симо Николай Ушаков Николай Удинцев Николай Онянов Николай (Клементьев), Великоустюжский Николай Дунаев Николай Рождественский Николай Пробатов, Агломазовский Николай Скворцов Николай Бурлаков Николай Троицкий Николай Лебедев (2) Николай Динариев Николай Васюкович Николай Конюхов Николай Мацкевич Николай Широгоров Николай Лебедев Николай Рюриков Николай Померанцев Николай Хвощев Николай Некрасов Николай Беневоленский Николай Кобранов Николай (Панков) Николай Восторгов Николай Казанский Николай Пономарев Николай Виноградов (4) Николай Мезенцев Николай Брянцев Николай Любомудров Николай Крылов Николай Кулаков Николай Виноградов (3) Николай Богородский Николай Ермолов Николай Тохтуев Николай Шумков Николай Розов (2) Николай Залесский Николай Орлов Николай Гашев Николай Протасов Николай Дмитров Николай Понгильский Николай Садовский Николай Замараев Николай Кулигин Николай Доброумов Николай Бирюков Николай Раевский Николай Покровский (3) Николай Цикура Николай Верещагин Николай Морковин Николай Розов Николай Фигуров Николай Попов Николай Сретенский Николай Розин Николай Карасёв Николай Богословский Николай Гаварин Николай Маслов Николай Павлинов Николай Орнатский Николай Розов, Петроградский Николай Сущевский Николай Писаревский Николай Филиппов Николай Никольский Николай Бельтюков Николай Копнинский Николай Виноградов Николай Ковалев Николай Ершов Николай Подьяков Николай Аристов Николай Покровский Николай Амассийский Николай Варжанский Николай Сафонов Николай Постников Николай (Ащепьев)

Март

Апрель

Май

Июнь

Июль

Август

Сентябрь

Октябрь

Ноябрь

Декабрь

Что подарить на именины?

Ниже вы можете найти православные подарки для на именины (День Ангела). Наша церковная лавка Святцы открыта для Вас!

Поиск по имени

Молитвы к Николай

Тропарь Николаю Сербскому (Велимировичу)

Златоустый проповедниче Воскресшаго Христа, путеводителю рода Сербскаго крестоноснаго в веках, благогласная лиро Духа Святаго, слово и любы монахов, радованье и похвало священников, учителю покаяния, предводителю богомольна воинства Христова святый Николае Сербский и всеправославный: со всеми святыми Небесныя Сербии моли Единаго Человеколюбца да дарует мир и единение роду нашему.

Тропарь cвященномученику Николаю Богословскому

Земли Карельстей новое украшение Добрый пастырю словесных овец, Подвигом страдания за Веру просиявый, Велие дерзновение пред Богом стяжал еси. Отче священномучениче Николае, Моли Христа Бога спастися душам нашим.

Кондак cвященномученику Николаю Богословскому

В годину лютую к пастырству призванный, В церкви святыя Екатерины подвизался еси, Множество душ к покаянию и спасению приведый, Клевету богоборческую отринул еси. За Христа пострадав даже до крове, Священномучениче Николае, Ныне усердно молися о всех нас.

Тропарь священномученику Николаю Восторгову

Любовию к Богу распаляемь жизнь свою мученически за Христа и ближних положил еси, сего ради венец правды от Него приял еси, моля всеблагаго Бога, священномучениче Иоанне, Церковь святую сохранити в мире и спасити души наша.

Тропарь священномученику Николаю Искровскому

В житии твоем добре подвизался еси, во страдании твоем непоколебим в вере пребыв, незлобиво мученическую смерть приял еси, священномучениче, отче Николае Искровский, моли о нас Господа Спаса мир мирови даровати и душам нашим велию милость.

Тропарь священномученику Николаю Искровскому

Кротость и смирение стяжавый, любовь Христову пастве соей показал еси, в годину огненных искушений Церкве Русския и яко пастырь добрый душу свою за Него положил еси. Молися о нас, священномучениче Николае, просветити души наша.

Кондак священномученику Николаю Искровскому

Труды и болезни на рамо свое взял еси и , радуяся, путем тесным шествовал еси, страданьми за Христа, Небеснаго Царства достигл еси. Моли о нас Бога Спаса, священномучениче Николае, обрести нам милость в День Судный.

Кондак священномученику Николаю Искровскому

Сый дивный воине Руси Святей,
у Царскаго Престола венец славы обрел еси,
усердно молится о верных
для вечнаго блаженства Спасом просветленных,
до крови воистине стоял еси,
во спасение народа Божия свою Голгофу от Христа приял еси,
спаси нас твоими молитвами, священномучениче Николае, отче наш.

Молитва священномученику Николаю Искровскому

О, великий угодниче Божий и предивный пастырю наш, отче Николае! Призри от горния славы на нас тяжестию грехов сердечно ослепленных и теплохладностию зараженных. Молися, святче Божий, да сподобит нас Господь стяжати благодать для покаяния, вновь обрести любовь к возстановлению утраченнаго сострадания, и Святую Русь пред Господом очистити верою для нашего спасительного оправдания. Помози нам, отче Николае, в вере устояти, чад своих под святым покровом Пречистой Девы Богородицы достойно укрывати, соборно в покаянии благодать спасения стяжати, да сподобимся с тобою наследия Царствия Небеснаго и вечнаго познания творений Божиих и благодатнаго славословия Пресвятей Троице: Отца, и Сына, и Святаго Духа, ныне, и присно, и во веки веков. Аминь.

Тропарь священномученику Николаю Кандаурову

Церкве Русския столпе непоколебимый,
благочестия правило,
жития евангельскаго образе,
священномучениче Николае,
Христа ради пострадавый даже до крове,
Егоже моли усердно,
яко Начальника и Совершителя спасения,
Русь Святую утвердити в Православии

до скончания века.

Кондак священномученику Николаю Кандаурову

Восхвалим, вернии,
изряднаго во священницех
и славнаго в мученицех Николае,
Православия поборника и благочестия ревнителя,
земли Русския красное прозябение,
иже страданием Небес достиже
и тамо тепле молит Христа Бога

спастися душам нашим.

Тропарь блаженного Николая Кочанова

Терпением своим и мужеством
Христа ради во юродство претворився, блаженне Николае,
худость ризную имея,
тягость вара дневнаго понесл еси
и мразы зимныя терпел еси.
И ныне, в Вышних Троице предстоя,
нам, приходящим с верою к раце мощей твоих,
исцеление подаеши, твое успение честно славящим,
и молиши Христа Бога спастися душам нашим.

Ин тропарь блаженного Николая Кочанова

Горняя мудрствуя,
свято жительствуя и славы мира отбегая,
юродство Христа ради избрал еси, блаженне Николае,
и ныне, в Вышних Троице предстоя,
нам, честную память твою славящим
и с верою к раце мощей твоих приходящим,
исцеление подаеши
и молиши Христа Бога спастися душам нашим.

Кондак блаженного Николая Кочанова

Яко Андрея блаженнаго ученик и наследник был еси,
того же стопам последуя, юродиве Николае Кочанов,
и паки от мирския чади уничижение и пхание приемля,
о ихже согрешениих Христу Богу моляся.
По честнем же твоем успении Великий Новград имать мощи твоя в себе,
яко неистощимое сокровище,
подаеши бо исцеление
верою к раце мощей твоих приходящим
и успение твое честно славящим.

Молитва священномученику Николаю Красовскому

О избранниче и угодниче Христов, священномучениче Николае, Церкве Русския столпе непоколебимый, земли нашея благое прозябение и красный плод, сродников твоих предстателю и наставниче!К тебе припадаем и молимся мы, смиреннии и грешнии, и , яко отца чадолюбиваго просим: всели в сердца наша любовь, еюже к Богу и ближним твоим при жизни земней преисполнен был еси, яко и душу твою положил еси, мученически пострадав. Научи нас, отче Николае, подражати тебе верно, Бога и ближних наших любити искренне и заповеди Господни совершати непогрешительно, да будем и мы с тобою чада Божия, не по имени токмо, но и самим делом и всем житием нашим.Призри благоутробно на всякую душу христианскую, милости и помощи от тебе ищущую. Буди всем нам в болезнех - целитель, в скорбех - утешитель, в печалех - избавитель, в бедах - помощник, в час смертный – покровитель, да помощию молитв твоих святых сподобимся и мы грешнии спасение вечное получити и Царствие Небесное унаследовати.Ей, страстотерпче Христов, не посрами упования нашего, еже по Бозе и Пресвятей Богородице на тя крепко возлагаем, но яви нам многомощное заступленине, да хвалим, славим и величаем человеколюбие дивнаго со святых Своих Бога, Отца и Сына и Святаго Духа, во веки веков. Аминь.

Тропарь сщмч. Николаю Кулигину, пресвитеру Петербургскому

Ублажим, людие, пресвитера слободы Рыбацкия,
священномученика Николае,
доблестно за веру подвизавшагося,
и венцем мученическим от Господа увенчавшагося,
и в сонме святых Церкве Российския водворившагося,
новаго молитвенника
и предстателя о душах наших.

Молитва священномученику Николаю Любомудрову

О, всехвальный отче Николае, истинный иерее Божий и добропобедный мучениче Христов!Услыши убо ныне моление наше и милостив сотворися на прошения наши. Ты, аще и жил еси на земли, яко прочии человецы, но ангельская дела творил еси, неуклонно Заповеди Божии исполняше, многия добродетели еси, в вере и надежде укреплялся, последи же и высшую их, любовь, стяжал еси. Егда злобныя мучители тя убиваша, яко агнца незлобиваго, ты, поминая Слово Божие, врагов своих с любовию благословил еси и о прощении их Бога молил еси. За сие в Царствии Небесном, идеже вечная любовь пребывает, славно воцарился еси. Священномучениче Николае, призри с высоты своея славы на ны, грешныя люди, с верою ти молящися, испроси нам у Господа милости и помощи во бранех духовных, даруй нам крепость телесную для исполнения воли Божией. Церквам мир и благоденствие даруй, архиереем мудрость и силу, пастырем кротость, милосердие и долготерпение, пастве послушание, монашествующим смиренномудрие и покаяние истинное в сокрушении сердца, да вси прославим Отца нашего, иже на Небесех, и Единороднаго Его сына и Всесвятого Духа. Аминь.

Тропарь святителю Николаю, архиепископу Мирликийскому, чудотворцу

Пра́вило ве́ры и о́браз кро́тости,
воздержа́ния учи́теля
яви́ тя ста́ду твоему́
я́же веще́й и́стина;
сего́ ра́ди стяжа́л еси́ смире́нием высо́кая,
нището́ю бога́тая.
О́тче священнонача́льниче Нико́лае,
моли́ Христа́ Бо́га

спасти́ся душа́м на́шим.

Тропарь святителю Николаю, архиепископу Мирликийскому, чудотворцу, на перенесение мощей

Приспе́ день све́тлаго торжества́,
град Ба́рский ра́дуется,
и с ним вселе́нная вся ликовству́ет
пе́сньми и пе́ньми духо́вными:
днесь бо свяще́нное торжество́
в пренесе́ние честны́х и многоцеле́бных моще́й
святи́теля и чудотво́рца Никола́я,
я́коже со́лнце незаходи́мое, возсия́, светоза́рными луча́ми,
разгоня́я тьму искуше́ний же и бед
от вопию́щих ве́рно:

спаса́й нас я́ко предста́тель наш вели́кий, Нико́лае.

Ин тропарь святителю Николаю, архиепископу Мирликийскому, чудотворцу, на перенесение мощей

Оте́чество свое́, Ми́ры Лики́йския, не оста́вль ду́хом,
во преми́рный град Ба́рский пресла́вно те́лом пренесе́ся, архиере́ю Нико́лае.
И отту́ду мно́жество челове́ческое свои́м прише́ствием возвесели́л еси́
и боля́щия исцели́л еси́.
Те́мже тя мо́лим, святи́телю Нико́лае,
моли́ Христа́ Бо́га,

да спасе́т ду́ши на́ша.

Кондак святителю Николаю, архиепископу Мирликийскому, чудотворцу

В Ми́рех, свя́те, священноде́йствитель показа́лся еси́:
Христо́во бо, преподо́бне, Ева́нгелие испо́лнив,
положи́л еси́ ду́шу твою́ о лю́дех твои́х
и спасл еси́ непови́нныя от сме́рти;

сего́ ра́ди освяти́лся еси́, я́ко вели́кий таи́нник Бо́жия благода́ти.

Кондак святителю Николаю, архиепископу Мирликийскому, чудотворцу, на перенесение мощей

Взы́де я́ко звезда́ от вост́ока до за́пада
твоя́ мо́щи, святи́телю Нико́лае,
мо́ре же освяти́ся ше́ствием твои́м,
и град Ба́рский прие́млет тобо́ю благода́ть:
нас бо де́ля яви́лся еси́ чудотво́рец изя́щный,

преди́вный и ми́лостивый.

Молитва вторая святителю Николаю, архиепископу Мирликийскому, чудотворцу

О, до́брый наш па́стырю и богому́дрый наста́вниче, святи́телю Христо́в Нико́лае! Услы́ши нас гре́шных, моля́щихся тебе́ и призыва́ющих в по́мощь ско́рое предста́тельство твое́; виждь нас не́мощных, отвсю́ду уловля́емых, вся́каго бла́га лише́нных и умо́м от малоду́шия помраче́нных; потщи́ся, уго́дниче Бо́жий, не оста́вити нас в грехо́внем плену́ бы́ти, да не бу́дем в ра́дость враго́м на́шим и не у́мрем в лука́вых дея́ниих на́ших. Моли́ о нас недосто́йных Соде́теля на́шего и Влады́ку, ему́ же ты со безпло́тными ли́ки предстои́ши: ми́лостива к нам сотвори́ Бо́га на́шего в ны́нешнем житии́ и в бу́дущем ве́це, да не возда́ст нам по дело́м на́шим и по нечистоте́ серде́ц на́ших, но по свое́й бла́гости возда́ст нам. На твое́ бо хода́тайство упова́юще, твои́м предста́тельством хва́лимся, твое́ заступле́ние на по́мощь призыва́ем, и ко пресвято́му о́бразу твоему́ припа́дающе, по́мощи про́сим: изба́ви нас, уго́дниче Христо́в, от зол находя́щих на нас, и укроти́ во́лны страсте́й и бед возстаю́щих на нас, да ра́ди святы́х твои́х моли́тв не обы́мет нас напасть и не погря́знем в пучи́не грехо́вней и в ти́не страсте́й на́ших. Моли́, святи́телю Христо́в Нико́лае, Христа́ Бо́га на́шего, да пода́ст нам ми́рное житие́ и оставле́ние грехо́в, душа́м же на́шим спасе́ние и ве́лию ми́лость, ны́не и при́сно и во ве́ки веко́в. Ами́нь.

Молитва третья святителю Николаю, архиепископу Мирликийскому, чудотворцу

О, вели́кий засту́пниче, архиере́ю Бо́жий, Нико́лае преблаже́нне, и́же подсо́лнечную осия́вый чудесы́, призыва́ющим же тя ско́рый услы́шатель явля́йяся, и́хже при́сно предваря́еши и спаса́еши, и избавля́еши, и от бед вся́ческих изъима́еши, от Бо́га да́нною ти чуде́с и даро́в благода́тию! Услы́ши мя недосто́йнаго, с ве́рою тя призыва́юща и моле́бное тебе́ принося́ща пе́ние; тебе́ бо хода́тая на умоле́ние ко Христу́ предлага́ю. О преслову́щий в чудесе́х, святи́телем высото́! я́ко име́яй дерзнове́ние, ско́ро Влады́це предста́ни, и преподо́бнии свои́ ру́це моле́бне к Нему́ простри́ о мне гре́шнем, и от Него́ щедро́ты бла́гости пода́ждь ми, и приими́ мя в свое́ заступле́ние, и от всех бед и зол мя изба́ви, от наше́ствия враго́в ви́димых и неви́димых свобожда́я, и тех всех наве́ты и злохи́трства погубля́я, и борю́щих мя во всей жи́зни мое́й отража́я; прегреше́нием же мои́м проще́ние испроси́, и спасе́на мя Христу́ предста́ви и Ца́рствия Небе́снаго сподо́би улучи́ти за мно́жество того́ человеколю́бия, ему́же подоба́ет вся́ка сла́ва, честь и поклоне́ние, со безнача́льным его Отце́м, и с Пресвяты́м и Благи́м и Животворя́щим Ду́хом, ны́не и при́сно и во ве́ки веко́в. Ами́нь.

Молитва святителю Николаю, архиепископу Мирликийскому, чудотворцу

О, всехва́льный и всечестны́й архиере́ю, вели́кий чудотво́рче, святи́телю Христо́в, о́тче Нико́лае, челове́че Бо́жий, и ве́рный ра́бе, му́жу жела́ний, сосу́де избра́нный, кре́пкий сто́лпе церко́вный, свети́льниче пресве́тлый, звездо́ осиява́ющая и освеща́ющая всю вселе́нную, ты еси́ пра́ведник, я́ко фи́никс процве́тший, насажде́нный во дво́рех Го́спода своего́: живы́й в Ми́рех, ми́ром благоуха́л еси́, и ми́ро приснотеку́щее благода́ти Бо́жия источа́еши. Твои́м ше́ствием, пресвяты́й о́тче, мо́ре освяти́ся, егда́ многочуде́сныя твоя́ мо́щи ше́ствоваху во град Ба́рский, от восто́ка до за́пада хвали́ти и́мя Госпо́дне. О, преизя́щный и преди́вный чудотво́рче, ско́рый помо́щниче, те́плый засту́пниче, па́стырю предо́брый, спаса́ющий слове́сное ста́до от вся́ких бед, тебе́ прославля́ем и тебе́ велича́ем, я́ко наде́жду всех христиа́н, исто́чника чуде́с, защи́тителя ве́рных, прему́драго учи́телю, а́лчущих корми́телю, пла́чущих весе́лие, наги́х одея́ние, боля́щих врача́, по мо́рю пла́вающих упра́вителя, пле́нников свободи́теля, вдов и сиро́т пита́теля и засту́пника, целому́дрия храни́теля, младе́нцев кро́ткаго наказа́теля, ста́рых укрепле́ние, по́стников наста́вника, тружда́ющихся упокое́ние, ни́щих и убо́гих изоби́льное бога́тство. Услы́ши нас, моля́щихся тебе́ и прибега́ющих под кров твой, яви́ предста́тельство твое́ о нас к Вы́шнему и исходата́йствуй твои́ми Богоприя́тными моли́твами вся поле́зная ко спасе́нию душ и теле́с на́ших: сохрани́ святу́ю оби́тель сию́ (или: храм сей), вся́кий град и весь, и вся́кую страну́ христиа́нскую, и лю́ди живу́щыя, от вся́кого озлобле́ния по́мощию твое́ю: ве́мы бо, ве́мы, я́ко мно́го мо́жет моли́тва пра́веднаго, поспешеству́ющая во благо́е: тебе́ же пра́веднаго по преблагослове́нней Де́ве Мари́и, предста́теля ко Всеми́лостивому Бо́гу и́мамы, и к твоему́, преблаги́й о́тче, те́плому хода́тайству и заступле́нию смире́нно притека́ем: ты нас соблюди́ я́ко бо́дрый и до́брый па́стырь, от вся́ких враго́в, губи́тельства, тру́са, гра́да, гла́да, пото́па, огня́, меча́, наше́ствия иноплеме́нников, и во вся́ких беда́х и ско́рбех на́ших подава́й нам ру́ку по́мощи и отве́рзи две́ри милосе́рдия Бо́жия; поне́же недосто́йны есмы́ зре́ти высоту́ Небе́сную, от мно́жества непра́вд на́ших: свя́зани есмы́ у́зами грехо́вными, и николи́же во́ли Созда́теля на́шего сотвори́хом, ни сохрани́хом повеле́ний Его́. Тем же преклоня́ем коле́на сокруше́нна и смире́нна се́рдца на́шего к Зижди́телю своему́, и твоего́ оте́ческаго заступле́ния к нему́ про́сим: помози́ нам, уго́дниче Бо́жий, да не поги́бнем со беззако́нии на́шими, изба́ви нас от вся́кого зла, и от вся́кие ве́щи сопроти́вныя, упра́ви ум наш, и укрепи́ се́рдце на́ше в пра́вой ве́ре, в ней же твои́м предста́тельством и хода́тайством, ни ра́нами, ни преще́нием, ни мо́ром, ни ко́им гне́вом от Созда́теля своего́ ума́лени бу́дем, но ми́рное зде поживе́м житие́, и да сподо́бимся ви́дети блага́я на земли́ живы́х, сла́вяще Отца́ и Сы́на и Свята́го Ду́ха, еди́наго в Тро́ице сла́вимаго и поклоня́емаго Бо́га, ны́не и при́сно, и во ве́ки веко́в. Ами́нь.

Молитва четвертая святителю Николаю, архиепископу Мирликийскому, чудотворцу

О, всесвяты́й Нико́лае, уго́дниче преизря́дный Госпо́день, те́плый наш засту́пниче, и везде́ в ско́рбех ско́рый помо́щниче! Помози́ ми, гре́шному и уны́лому, в настоя́щем сем житии́, умоли́ Го́спода Бо́га дарова́ти ми оставле́ние всех мои́х грехо́в, ели́ко согреши́х от ю́ности моея́, во всем житии́ мое́м, де́лом, сло́вом, помышле́нием и все́ми мои́ми чу́вствы; и во исхо́де души́ моея́ помози́ ми, окая́нному, умоли́ Го́спода Бо́га, всея́ тва́ри Соде́теля, изба́вити мя возду́шных мыта́рств и ве́чнаго муче́ния, да всегда́ прославля́ю Отца́ и Сы́на и Свята́го Ду́ха и твое́ ми́лостивное предста́тельство, ны́не и при́сно и во ве́ки веко́в. Ами́нь.

Тропарь блаженного Николая Саллоса, Христа ради юродивого, Псковского

Словенска языка, Псковския земли
плотски в юродстве быв,
юродства притворением Горняго Иерусалима гражданин явися,
Ангелом, славне, свеселишися,
мироточиваго святителя Николая звание восприим,
с нимже всегда Христа Бога моли
даровати нам велию милость.

Кондак блаженного Николая

Чудотворец явися, Николае,
царску державу и смысла свирепства на милость обратив,
и сего ради своему отечеству тепл молебник показася,
и ныне молим тя, святе,
пребуди в нас еще, защити от коварств вражиих,
ты бо еси граду Пскову и всем христолюбивым людем похвала и утверждение.

Тропарь мученика Николая Рейна

Новомученик Твой, Господи, Николае, во дни гонения безбожнаго жизнь свою за веру православную и Слово Божие положивый, и кровьми своими верность Тебе показавый, и град Москву освятивый, его же молитвами, яко Многомилостив, спаси души наша.

Кондак мученика Николая Рейна

Днесь ты предстоиши пред Престолом Божия, победную песнь воспевая, и светом истинной веры просвещая, и Заступницу Усердную восхваляя, новомучениче Николае, моли Христа Бога, спастися душам нашим.

Молитва святому новомученику Николаю Рейну

О святый новомучениче Николае, ты в житии своем земном явился ревностными хранителем и исповедником веры православной. За нее же и мученическую кончину приял еси. И ныне, в покой Небесного Царствия вшедше, имаши велие дерзновение ко Пресвятей Троице ходатайствовати о нас, недостойных и грешных. Услыши нас, страстотерпче всехвальне, и помози нам в век сей лукавый веру Христову незыблему соблюсти. Подай родителям мудрость в воспитании чад своих в любви, смирении, кротости, целомудрии и убереги их от от всех натисков бесовских, дабы и они могли противостоять духу коварства, зла и безбожия и своей благочестивой жизнью послужили святому делу возрождения Земли Русской из мрака неверия и смуты. Да молитвами и предстательством твоим охраняемии единым сердцем и едиными устами воспоем и прославим Всесвятое Имя Отца и Сына и Святаго Духа во веки веков. Аминь.

Молитва иная святому новомученику Николаю Рейну

О, святый новомучениче Николае, призри с высот Небесных на нас, грешных и недостойных чад твоих и помози и нам достойно временное житие прожити и скончати: отгони страсти мира сего лукаваго; да не отвратят нас от пути спасения ни козни вражие, ни прелести бесовские; направи стопы наши на стезю правой веры; буди нам поддержкой в бедах и напастях; подай терпение в скорбях и обстояниях; научи покаянию; любви к ближним; прощению - к обидящим. Ведуще убо тя и по смерти живыми суща, припадаем к тебе и молимся: испроси у Господа Бога нашего, святый Николае, даровати нам вся полезная для спасения душ наших; христианскую непостыдную кончину, да помощью твоею непреткновенно прейти воздушные мытарства и в день страшного пришествия Своего от шуия стояния да избавит и вместе с вами наследниками Небесного Царствия да сотворит. Ему же подобает всякая слава, честь и поклонение со Безначальным Его Отцем и Святым Духом, ныне и присно и во веки веков. Аминь.

Тропарь священномученику Николаю Романовскому

Це́ркви Ру́сския сто́лпе непоколеби́мый, благоче́стия пра́вило, жития́ ева́нгельскаго о́бразе, священному́чениче Нико́лае, Христа́ ра́ди пострада́вый да́же до кро́ве, Его́ же моли́ усе́рдно, я́ко Нача́льника и Соверши́теля спасе́ния, Ру́сь Святу́ю утверди́ти в Правосла́вии до сконча́ния ве́ка.

Кондак священномученику Николаю Романовскому

Восхва́лим, ве́рнии, изря́днаго во свяще́нницех и сла́внаго в му́ченицех Никола́я, Правосла́вия побо́рника и благоче́стия ревни́теля, земли́ Ру́сския кра́сное прозябе́ние, и́же страда́нием Небе́с дости́же и та́мо те́пле мо́лит Христа́ Бо́га спасти́ся душа́м на́шим.

Тропарь равноапостольного Николая, архиепископа Японского

Апостолов единонравне и сопрестольне,
служителю Христов верный и Богомудрый,
цевнице избранная Божественнаго Духа,
сосуде преизливающийся любве Христовы,
Японския земли просветителю,
святый Николае, иерарше равноапостольне,
молися Живоначальней Троице
о всем твоем стаде
и о всем мире.

Ин тропарь равноапостольного Николая, архиепископа Японского

Яко апостолом сопричастника в трудех и возмездиих
Церковь тя с любовию почитает,
святителю отче Николае равноапостольне.
Положив бо многими подвиги начало Православия в Японии язычестей,
умножил еси в ней чада спасения,
и по кончине прият тя Бог во обители апостол Своих по достоянию.
Сего ради молим тя
молися Господеви пребыти и в предняя делу твоему незыблему на веки,
и ввестися в лоно Церкве Православныя всем погибнути имущим,
умиритися мирови
и спастися душам нашим.

Кондак равноапостольного Николая, архиепископа Японского

Странника и пришельца прият тя страна Японская,
равноапостолъне святителю Николае,
в ней же исперва познал еси себе яко чуждаго,
обаче теплоту и свет Христов источая,
прелагал еси враги твоя в сыны духовныя,
имже раздай благодать Божию, созидал еси Церковь Христову,
о ней же ныне молися,
и тебе бо сынове ея и дщери взывают:
радуйся, пастырю добрый наш.

Ин кондак равноапостольного Николая, архиепископа Японского

Твердаго и Боговещаннаго проповедателя Евангелия Твоего, Господи,
возмездил еси Боголепно
, труды бо его и болезни приял еси паче всех жертв законных и всесожжении.
Того молитвами соблюди нас от неприязни.