NULL

Именины Ольга

Имя Ольга почитается в православии 6 раз в 2020 году. День Ангела - одна из этих дат. Чтобы определить День Ангела Ольга вашего знакомого, надо найти день памяти святого, следующий за датой её рождения.
Полное имя:

Церковное имя:

Ольга

Ближайшие именины Ольга - 05 февраля
Ольга Николаевна Романова, великая княжна

Страстотерпцы царь Николай II, царица Александра, царевич Алексий, великие княжны Ольга, Татиана, Мария и АнастасияБудущий император Всероссийский Николай II родился 6 (18) мая 1868 года, в день святого праведного Иова Многострадального. Он был старшим сыном и

Читать далее

Что подарить на именины?

Ниже вы можете найти православные подарки для на именины (День Ангела). Наша церковная лавка Святцы открыта для Вас!

Поиск по имени

Молитвы к Ольга

Ин тропарь равноапостольной Ольги

В тебе, Богомудрая Елено, известен спасения образ бысть в Русстей стране,
яко, приимши баню святаго Крещения, последовала еси Христу,
творящи же и учащи, еже оставити идольскую прелесть,
восприяти же попечение о души, вещи безсмертней,
темже и со Ангелы радуется, равноапостольная, дух твой.

Ин тропарь равноапостольной Ольги

Оставивши лесть идольскую,
последовала еси Христу, Безсмертному Жениху, Ольго Богомудрая,
в Егоже чертозе радующися,
непрестанно молися
о чтущих верою и любовию святую память твою.

Ин тропарь равноапостольной Ольги, еллинский

Святая равноапостольная избраннице Христова, княгине Ольго,
народ твой словесным и чистым Христовым млеком напоившая,
молися Милостиву Богу,
да прегрешений оставление
подаст душам нашим.

Тропарь равноапостольной Ольги

Крилами богоразумия вперивши твой ум,
возлетела еси превыше видимыя твари,
взыскавши Бога и Творца всяческих,
и, Того обретши, паки рождение Крещением прияла еси,
древа животнаго наслаждающися, нетленна во веки пребываеши,

Ольго приснославная.

Ин кондак равноапостольной Ольги

Явися днесь благодать всех Бога,
прославльши в Руси Ольгу Богомудрую,
молитвами ей, Господи,
людем подаждь
грехом оставление.

Кондак равноапостольной Ольги

Воспоем днесь Благодетеля всех Бога,
прославльшаго в России Ольгу богомудрую,
да молитвами ея
подаст душам нашим

грехов оставление.

Величание святой равноапостольной Великой княгине Российской Ольге

Величаем тя, святая равноапостольная княгине Ольго, яко зарю утреннюю в земли нашей возсиявшую и свет веры православныя народу своему предвозвестившую.

Молитва первая святой равноапостольной княгине Ольге

О, святая равноапостольная великая княгине Ольго, первоугоднице российская, теплая о нас пред Богом ходатаице и молитвеннице! К тебе прибегаем с верою и молимся с любовию: буди нам во всем ко благу помощница и споспешница и, якоже во временней жизни тщалася еси просветити праотцы наша светом святыя веры и наставити я творити волю Господню, тако и ныне, в небесней пребываеши светлости, благоприятными твоими к Богу молитвами вспомоществуй нам в просвещении ума и сердца нашего светом Евангелия Христова, да преспеваем в вере, благочестии и любви Христове. В нищете и скорби сущия утеши, бедствующим подаждь руку помощи, обидимыя и напаствуемыя заступи, заблудшия от правыя веры и ересьми ослепленныя вразуми и испроси нам у Всещедраго Бога вся благая и полезная жизни временней и вечней, да тако благоугодне зде поживше, сподобимся наследия благ вечных в безконечном Царствии Христа Бога нашего, Емуже со Отцем и Святым Духом подобает всякая слава, честь и поклонение всегда, ныне и присно и во веки веков. Аминь.

Молитва вторая святой равноапостольной княгине Ольге

О великая угодница Божия, богоизбранная и богопрославленная, равноапостольная великая княгине Ольго! Ты отринула еси зловерие и нечестие языческое, уверовала еси во Единого Истиннаго Триипостасного Бога, и восприяла еси святое крещение, и положила еси начало просвещению земли Российский светом веры и благочестия. Ты еси духовная родоначальница наша, ты по Христе Спасителе нашем первая виновница просвещения и спасения рода нашего. Ты еси теплая молитвенница и ходатаица о отечестве Всероссийстем, воинстве и всех людех. Сего ради смиренно молим тя: призри на немощи наша и умоли Премилосердаго Царя Небеснаго, да не прогне­вается на ны зело, яко по немощем нашим по вся дни согрешаем, да не погубит нас со беззаконьми нашими, но да помилует и спасет нас по милости Своей, да всадит в сердце наше спасительный страх Свой, да просветит Своею благодатию ум наш, во еже разумети нам пути Господни, оставити стези нечестия и заблуждений, тщатися же во стезях спасения и истины, неуклоннаго исполения заповедей Божиих и уставов Святыя Церкве. Моли, блаженная Ольга, Челове­колюбца Бога, да пробавит нам великую милость Свою, да избавит нас от нашествия иноплеменных, от внутренних нестроений, мятежей и раздоров, от глада, смертоносных болезней и от всякаго зла, да подаст нам благорастворение воздуха и плодоносие земли, да сохранит страну нашу от всех козней и навет вражиих, да соблюдет в судиях и правителех правду и милость, да даст пастырем ревность о спасении пасомых, всем же людем споспешение, о еже усердно службы своя исправляти, любовь между собою и единомыслие имети, да на благо отечества и Святыя Церкве верне подвизатися, да воссияет свет спасительныя веры в стране нашей во всех концех ея, да обратятся к вере неверующии, да упразднятся вся ереси и расколы. Да, тако поживши в мире на земли, сподобимся с тобою вечнаго блаженства на небеси, хваляще и превозносяще Бога во веки веков. Аминь.

Ин тропарь святым царственным страстотерпцам

Царства земнаго лишение,
узы и страдания многоразличныя
кротко претерпел еси,
свидетельствовав о Христе даже до смерти от богоборцев,
страстотерпче великий Боговенчанный царю Николае,
сего ради мученическим венцем на небесех,
венча тя с царицею и чады и слуги твоими Христос Бог,
Егоже моли помиловати страну Российскую
и спасти души наша.

Тропарь царственных страстотерпцев

Днесь, благовернии людие, светло почтим
седмерицу честную царственных страстотерпец,
Христову едину домашнюю Церковь:
Николая и Александру,
Алексия, Ольгу, Татиану, Марию и Анастасию.
Тии бо, уз и страданий многоразличных не убоявшеся,
от богоборных смерть и поругание телес прияша
и дерзновение ко Господу в молитве улучиша.
Сего ради к ним с любовию возопиим:
о святии страстотерпцы,
гласу покаяния и стенанию народа нашего вонмите,
землю Российскую в любви к Православию утвердите,
от междоусобныя брани сохраните,
мир мирови у Бога испросите

и душам нашим велию милость.

Ин кондак святым царственным страстотерпцам

Надежда царя мученика
с царицею и чады и слуги укрепи,
и к Твоей любви окрыли, будущий им покой предвозвестивши,
тех молитвами, Господи, помилуй нас.

Кондак царственных страстотерпцев

Избраннии Царем царствующих и Господем господствующих
от рода царей Российских,
благовернии мученицы,
муки душевныя и смерть телесную за Христа приимшии
и венцы Небесными увенчавшиися,
к вам, яко покровителем нашим милостивым,
с любовию благодарне вопием:
радуйтеся, царственнии страстотерпцы,

за Русь Святую пред Богом усерднии молитвенницы.

Величание

Величаем вас,
святии царственнии страстотерпцы,
и чтим честная страдания ваша,
яже за Христа

претерпели есте.