NULL

Именины Сергий

Имя Сергий почитается в православии 81 раз в 2020 году. День Ангела - одна из этих дат. Чтобы определить День Ангела Сергий вашего знакомого, надо найти день памяти святого, следующий за датой его рождения.
Полное имя:

Сергей, Серега, Серёга, Серж

Церковное имя:

Сергий

Значение имени:
<p>Имя Сергей произошло от римского Сергиус, которое можно приблизительно перевести как &laquo;ясный&raquo;,&nbsp;&laquo;высокий&raquo;, &laquo;знатный&raquo;. Также имени Сергей приписывают значения &laquo;высокочтимый&raquo;, &laquo;почтенный&raquo;. Можно сказать, что Сергей &ndash; это современная форма устаревшего имени Сергий, которое произошло от латинского &laquo;servi dei&raquo;, в переводе означающее &laquo;слуга Господний&raquo;.&nbsp;Среди его обладателей много талантливых личностей &ndash; певцов, поэтов, писателей или актеров. Дело в том, что мужчина, названный Сергеем, одарен не только интеллектуально, а и творчески. Сергей &ndash; ответственный и надежный. На него всегда можно положиться.</p> <p>&nbsp;</p>
Ближайшие именины Сергий - 15 декабря
Сергий Кудрявцев

Священномученик Сергий Кудрявцев родился 1 июля 1881 года в селе Фряново Богородского уезда Московской губернии (ныне Щелковский район Московской области). Он был вторым ребенком псаломщика фряновской Иоанно-Предтеченской церкви Дмитрия Феодоровича Кудрявцева.Придя в возраст, Сергей Дмитрие

Читать далее
Даты именин Сергий в 2020 году по православному календарю img title

Святые с именем Сергий в 2020 году почитаются 81 раза. Одна из этих дат - День Ангела человека, носяцего имя Сергий.

Ближайшие именины

Январь

Февраль

Сергий Кудрявцев Сергий (Гальковский) Сергий (Гуськов) Сергий (Чернухин) Сергий Кочуров Сергий Спасский Сергий Гортинский Сергий Тихомиров Сергий (Зайцев) Сергий Скворцов, Дрездненский Сергий Лосев Сергий Увицкий Сергий Покровский Сергий Станиславлев Сергий (Саматов), Белогорский Сергий (Шеин) Сергий Константинов Сергий Михайлов Сергий Руфицкий Сергий Аманов Сергий Бородавкин Сергий Цветков (2) Сергий Мефодиев Сергий Рохлецов Сергий (Сребрянский) Сергий Орлов Сергий Казанский Сергий Родаковский Сергий Архангельский, псаломщик Сергий Воскресенский Сергий (Вершинин), Белогорский Сергий (Сорокин) Сергий Заварин Сергий Феноменов Сергий Флоринский, Раквереский Сергий Правдолюбов, Касимовский Сергий Ведерников Сергий Бредников Сергий (Зверев) Елецкий, Мелитопольский Сергий Астахов Сергий Смирнов Сергий Мечёв Сергий Лавров Сергий Галин Сергий Уклонский Сергий Крестников Сергий Стрельников

Март

Апрель

Май

Июнь

Июль

Август

Сентябрь

Октябрь

Ноябрь

Декабрь

Что подарить Сергею на именины?

<p>Обычно вариантов подарка для Сергея у его знакомых немало, ведь этот мужчина поистине любит жизнь, ее разнообразные удовольствия. Ему нравится все, что мы называем &laquo;радости жизни&raquo; &ndash; вкусная еда, напитки, хорошая музыка, хорошие украшения. Сергей будет доволен, если вы подарите ему именную икону или ладанку с соответствующим святым, причем высокого качества. Нередко Сергеи и сами экспериментируют в этой области &ndash; собирают домашний иконостас&nbsp; или коллекционируют старинные антикварные иконы.</p>
Поиск по имени

Молитвы к Сергею

Тропарь преподобномученикам Казанским, в Свято-Успенском Зилантовом монастыре пострадавшим

Божией Премудрости,
Содетельной и Содержительной Силе последующе,
неизреченного лика небесного достигосте,
мученицы славнии:
идеже подвизалися есте
тамо ныне прославляетеся,
в вере и благочестии верных утверждающе,
ограждаете же и обитель Успенскую,
научающе искушениям противоборствовати.
Сего ради молим вы:

испросите душам нашим мир и велию милость.

Кондак преподобномученикам Казанским, в Свято-Успенском Зилантовом монастыре пострадавшим

Древле змиева гора
просвещаяся истины познанием,
днесь освещается крови вашея течением,
поруганные имамы обители воздвижение,
вашими, Ангелов собеседницы, ходатайствы

непрестанно возносимыя о всех с верою почитающих вас.

Молитва преподобномученикам Казанским, в Свято-Успенском Зилантовом монастыре пострадавшим

О, непреоборимии воини Христовы, добропобеднии мученицы, преподобнии отцы наши: Сергие, Лаврентие, Серафиме, Феодосие, Леонтие, Стефане, Георгие, Илларионе, Иоанне и Сергие! Взирающее на веру вашу и на доброе скончание жизни временныя, молимся. Испросите нам у Господа с любовию вашу память чтущим, исправления жития, в вере утверждение и мужество в брани на ны воздвизаемой духами злобы поднебесныя. Сохраните ны вашими молитвами в мире и любви, да единомыслием исповемы Отца и Сына и Святаго Духа, аминь!

Тропарь преподобномученику Сергию (Сорокину)

Ве́рный сы́н духо́вный
священному́ченика Филаре́та
его́же я́ко отца́ своего́ возлюби́л еси́,
ви́дя в не́м со́ль земли́ кре́пкую,
дре́во Боже́ственнаго зна́ния
сосу́д му́дрости небе́сныя.
И́мже науче́нный
претвори́л еси́ бде́ние в ра́дование,
всено́щное стоя́ние в прия́тное наслажде́ние,
воздержа́ние в весе́лие.
Моли́тву, кро́тость и незло́бие стяжа́л еси́
си́ми доброде́тельми укра́шенный
свяще́нную оде́жду омочи́в в крови́,
сла́ву ны́не на небесе́х насле́довал еси́
священному́чениче Се́ргие,
ку́пно со священному́чеником Филаре́том
моли́теся приле́жно о все́х на́с,

соверша́ющих всечестну́ю па́мять ва́шу.

Тропарь преподобноисповеднику Сергию (Сребрянскому)

В тебе́, о́тче, изве́стно спасе́ся е́же по о́бразу: прии́м бо кре́ст, после́довал еси́ Христу́, и де́я учи́л еси́ презира́ти у́бо пло́ть, прехо́дит бо, прилежа́ти же о души́, ве́щи безсме́ртней. Те́мже и со а́нгелы сра́дуется, преподо́бне Се́ргие, ду́х тво́й.

Ин тропарь преподобноисповеднику Сергию (Сребрянскому)

Изде́тска мона́шескую жи́знь возжела́л еси́, преподо́бне о́тче Се́ргие, в не́йже любо́вь Христо́ву стяжа́в, па́стырь до́брый мно́гим лю́дем бы́л еси́, последи́ же и изгна́ние претерпе́в, венце́м испове́дничества украси́лся еси́. И ны́не, предстоя́ престо́лу Святы́я Тро́ицы, непреста́нно моли́ просвети́ти и спасти́ ду́ши на́ша.

Кондак преподобноисповеднику Сергию (Сребрянскому)

Чистото́ю душе́вною боже́ственне вооружи́вся, и непреста́нныя моли́твы, я́ко копие́ вручи́в кре́пко, пробо́л еси́ бесо́вская ополче́ния, Се́ргие о́тче на́ш, моли́ непреста́нно о все́х на́с.

Молитва преподобноисповеднику Сергию (Сребрянскому)

О, свяще́нное главо́, преблаже́нне о́тче Се́ргие, па́стырю святы́й, моли́твенниче неусы́пный, серафи́мскою любо́вию ко Го́споду горя́щий; ты́ бо я́ко еди́н от дре́влих яви́лся еси́, вы́ну Христу́ предстоя́й; не отри́ни на́с, немощны́х, не дерза́ющих возвести́ очеса́ на не́бо; услы́ши, о́тче свяще́ннейший, неотсту́пная проше́ния на́ша и вознеси́ я́ от на́с, до́лу пони́кших, ко Престо́лу Пресвяты́я Тро́ицы, да сохрани́т милосе́рдый Госпо́дь Це́рковь Свою́ святу́ю от раско́лов и ересе́й, да изба́вит Держа́ву на́шу Росси́йскую от вра́г ви́димых и неви́димых, и пода́ст все́м, ра́це честны́х твои́х моще́й предстоя́щим и моля́щимся тебе́, по коего́ждо потре́бе: па́стырем благоче́стие и апо́стольскую ре́вность, и́ноком покая́ние и в моли́тве пребыва́ние, во́ином му́жество и любы́ ко Оте́честву, боля́щим благодаре́ние и ско́рое вспоможе́ние, и все́м на́м непоро́чное во стра́се Бо́жием жи́тельство; да и мы́ недосто́йнии, сподо́бимся предста́тельством твои́м Ду́ха Свята́го испо́лнитися, по отше́ствии свое́м лю́тых мыта́рств изба́витися и блаже́нный о́ный гла́с Влады́ки Христа́ услы́шати: «прииди́те, благослове́ннии Отца́ Моего́, насле́дуйте угото́ванное ва́м Ца́рствие от сложе́ния ми́ра». Ами́нь.

Тропарь преподобных

Евангелия Христова истиннии послушницы
явистеся, преподобнии,
мир и вся, яже в нем, яко не сущая,
преобидевше любве ради Христовы,
и в морский остров вселистеся,
и трудолюбно в нем противу козней невидимых врагов подвизастеся,
постом, бдением же и всенощным стоянием
плоти своя духу мудре повинули есте.
Сего ради от Вседержительныя десницы достойныя венцы прияли есте,
и ныне Пресвятей Троице предстояще, молитеся,
всеблаженнии отцы Сергие и Германе,
сохранитися в мире отечеству нашему

и спастися душам нашим.

Тропарь преподобных Сергия и Германа Валаамских

От мирския молвы бегающе, безмолвия и благочестия рачители,
в тихое пристанище Валаама от востока приидосте,
и в нем Евангельски Христу добродетельми последовавше, на верх совершенства востекли есте:
и ныне в торжестве премирном Богозрением наслаждающиеся,
всеблаженнии отцы Сергие и Германе, Человеколюбца Бога молите,
еже спасти всех нас, благочестно вас почитающих.

Кондак преподобных

От мирскаго жития изшедше,
отвержением мира Христу последовасте,
и достигосте великаго Нева езера,
и, в нем на острове Валааме всельшеся,
равноангельное житие пожили есте,
отонудуже веселящеся прешли есте к Небесным чертогом.
И ныне со Ангелы Владычню Престолу предстояще,
поминайте нас, чад своих,
яже собрали есте, богомудрии,
да радостно от души вопием:

радуйтеся, Сергие и Германе, отцы преблаженнии.

Молитва преподобным Сергию и Герману Валаамским

О, велиции отцы наши, Христовы угодницы и теплии предстатели ко Спасу о душах наших, Сергие и Германе! Вы бо в недузех целители явистеся, по морю плавающим кормчии, и утопающим благонадежное избав­ление, и от всякаго смертоноснаго нашествия хранители, паче же от духов нечистых свобождение и всяких наветов, противу нас содержимых, очищение и помощь. О, преблаженнии отцы и чудотворцы преславнии, Сергие и Германе, молитеся ко Владыце Христу о нас, грешных, яко да вашими молитвами сподобимся в день Судный деснаго предстояния и наслаждения во Царствии Божии во веки веков. Аминь.

Тропарь преподобномученикам Казанским, в Свято-Успенском Зилантовом монастыре пострадавшим

Божией Премудрости,
Содетельной и Содержительной Силе последующе,
неизреченного лика небесного достигосте,
мученицы славнии:
идеже подвизалися есте
тамо ныне прославляетеся,
в вере и благочестии верных утверждающе,
ограждаете же и обитель Успенскую,
научающе искушениям противоборствовати.
Сего ради молим вы:

испросите душам нашим мир и велию милость.

Кондак преподобномученикам Казанским, в Свято-Успенском Зилантовом монастыре пострадавшим

Древле змиева гора
просвещаяся истины познанием,
днесь освещается крови вашея течением,
поруганные имамы обители воздвижение,
вашими, Ангелов собеседницы, ходатайствы

непрестанно возносимыя о всех с верою почитающих вас.

Молитва преподобномученикам Казанским, в Свято-Успенском Зилантовом монастыре пострадавшим

О, непреоборимии воини Христовы, добропобеднии мученицы, преподобнии отцы наши: Сергие, Лаврентие, Серафиме, Феодосие, Леонтие, Стефане, Георгие, Илларионе, Иоанне и Сергие! Взирающее на веру вашу и на доброе скончание жизни временныя, молимся. Испросите нам у Господа с любовию вашу память чтущим, исправления жития, в вере утверждение и мужество в брани на ны воздвизаемой духами злобы поднебесныя. Сохраните ны вашими молитвами в мире и любви, да единомыслием исповемы Отца и Сына и Святаго Духа, аминь!

Тропарь преподобного Сергия Нуромского (Вологодского)

Желанием духовным разгарашеся, пребогате,
слез твоих течением душу свою напоил еси
и еже из глубины воздыханьми уязвляше сердце свое,
и бодренными молитвами, и всенощным предстоянием Владыце Христу
многодобродетелен плод принесе сам себе.
И сего ради яко Божий угодник светло миру показася,
сияя чудесы, Сергие отче наш,
теплый молитвенниче к Богу, всегда о нас Того моли,
да спасет души наша.

Кондак преподобного Сергия Нуромского (Вологодского)

Яко звезда пресветлая, от Святыя Горы провозшедши,
доброты чудес твоих весь просветил мир,
Христов бо крест взем, последова Ему,
в пустынном озлоблении, в молитвах же и пощениих,
во бдениих же и злостраданиих изнурив плоть свою,
тем и Христос даром чудес одари тебе,
Емуже о нас моляся, посещай чад своих, да зовем ти:
радуйся, Сергие отче наш, пустынный жителю.

Тропарь священноисповеднику Сергию Касимовскому (Правдолюбову)

Па́стырскаго служе́ния пра́вило
неуста́нный пропове́дниче сло́ва Бо́жия
послуша́ния священнонача́лию наста́вниче
еди́нства церко́внаго ревни́телю
Се́ргие, испове́дниче Христо́в
Его́же моли́

спасти́ся душа́м на́шим.

Кондак священноисповеднику Сергию Касимовскому (Правдолюбову)

Во свяще́нницех благоче́стно пожи́в
и мно́гажды темни́чное злострада́ние и поноше́ние претерпе́в
вы́шнюю ра́дость и сла́ву насле́довал еси́
сего́ ра́ди почита́ем тя́ усе́рдно вопию́ще

от бе́д изба́ви на́с твои́ми моли́твами Се́ргие, испове́дниче Христо́в.

Молитва священноисповеднику Сергию Касимовскому (Правдолюбову)

О, Святы́й уго́дниче Бо́жий и испове́дниче Се́ргие! По́двигом до́брым подвиза́вся на земли́, восприя́л еси́ на небесе́х вене́ц пра́вды, его́ же угото́вал Госпо́дь все́м лю́бящим его́. Сего́ ра́ди и мы́, духо́вная ча́да твоя́, ра́дуемся о пресла́вном сконча́нии жи́тельства твоего́ и чти́м святу́ю па́мять твою́. Ты́ же, предстоя́ престо́лу Бо́жию, приими́ моле́ния на́ша и ко Всеми́лостивому Бо́гу принеси́, о е́же прости́ти на́м вся́кое прегреше́ние и помощи́ на́м ста́ти проти́ву ко́знем диа́вольским, да изба́вльшеся от скорбе́й, боле́зней, бе́д и напа́стей и вся́каго зла́, благоче́стно и пра́ведно поживе́м в ны́нешнем ве́це и сподо́бимся предста́тельством твои́м, а́ще и недосто́йни есмы́, ви́дети блага́я на земли́ живы́х, сла́вяще Еди́наго во святы́х свои́х сла́вимаго Бо́га, Отца́ и Сы́на и Свята́го Ду́ха, ны́не и во ве́ки веко́в. Ами́нь.

Тропарь преподобному Сергию, игумену Радонежскому

От юности восприял еси Христа в души твоей, преподобне,
и паче всего вожделел еси мирскаго мятежа уклонитися,
мужески в пустыню вселился еси
и чада послушания в ней, плоды смирения, возрастил еси.
Тем быв Троице вселение,
чудесы твоими всех просветил еси, приходящих к тебе верою,
и исцеления всем подая обильно.
Отче наш Сергие, моли Христа Бога, да спасет души наша.

Ин тропарь преподобному Сергию, игумену Радонежскому

В чистоте жития источник слез твоих, исповедания трудовныя поты совокупил еси, и купель духовную источил еси, священный Сергие, преподобне, омывавши сугубстве творящим любовию па­мять твою скверны обоямы душевныя и телесныя. Сих ради, чада твоя суще, вопием ти: моли, отче, Святую Троицу о душах наших.

Тропарь общий преподобным Сергию и Никону Радонежским

Я́ко трисве́тлаго со́лнца светоза́рный зве́зды,
Тро́ическим све́том озаря́ете сердца́ ве́рных,
сосу́да Све́та Пресвяты́я Тро́ицы я́вльшеся,
и преди́вным ва́шим житие́м и́ноком бы́сте тве́рдии законоположи́телие
и це́рквам благоле́пие, и благове́рным, и святи́телем, и все́м лю́дем,
вся́ бо де́монския скве́рны отгна́вше отсю́ду
ва́шими чи́стыми уче́нии и де́лы,
до́бре упасо́сте ста́до, собра́нное ва́ми,
но и ны́не мо́лим ва́с:
посеща́йте ча́д свои́х, я́ко иму́щие дерзнове́ние ко Святе́й Тро́ице,
Богому́дре Се́ргие с чу́дным ученико́м свои́м Ни́коном,
и моли́те Христа́ Бо́га, да спасе́т ду́ши на́ша.

Ин тропарь преподобному Сергию, игумену Радонежскому

Днесь пресветло красуется царствующий град Москва,
яко светолучными зарями, молниями чудес твоих осияемь,
всю вселенную созывает
похвалити тя, Богомудре Сергие;
пречестная же и славная обитель твоя,
юже во Имя Святыя Троицы многими труды твоими создал еси, отче,
имущи в себе стада ученик твоих,
веселия и радости исполняется.
Мы же, празднующе преславное обретение честных мощей твоих, в земли сокровенных,
яко цвет благоуханен и кадило благовонно,
любезно я лобызающе, различная исцеления приемлем
и твоими молитвами грехов прощения сподобляемся,
отче преподобне Сергие,
моли Святую Троицу
спасти души наша.

Тропарь преподобному Сергию, игумену Радонежскому

Иже добродетелей подвижник,
яко истинный воин Христа Бога,
на страсти вельми подвизался еси в жизни временней,
в пениих, бдениих же и пощениих образ быв твоим учеником,
темже и вселися в тя Пресвятый Дух,
Егоже действием светло украшен еси;
но, яко имея дерзновение ко Святей Троице,
поминай стадо, еже собрал еси, мудрe,
и не забуди, якоже обещался еси,
посещати чад твоих,

Сергие, преподобне отче наш.

Кондак общий преподобным Сергию и Никону Радонежским

В по́стницех приобщи́вшеся Вели́кому Анто́нию
и Евфи́мию Иерусали́мскому поревнова́вше в по́двизех,
я́ко а́нгели, на земли́ яви́стеся,
просвеща́юще, преподо́бнии, ве́рных сердца́
Боже́ственными зна́мении и чудесы́ повсегда́,
сего́ ра́ди ра́достно ва́с почита́ем и любо́вию вопие́м ва́м:
ра́дуйтеся, преподо́бнии отцы́ Се́ргие и Ни́коне,
по́стником удобре́ние и всея́ Росси́йския земли́ вели́кое утвержде́ние.

Ин кондак преподобному Сергию, игумену Радонежскому

Взирающе на предлежащий честный твой гроб,
в немже скрыся, яко многоценное сокровище, святое трудолюбное твое тело чистоты,
мы, чада твоя суще жалостная,
в удивлении един со единем вещающе, вопием:
отче наш Сергие, моли Святую Троицу
и нам спастися, твоим чадом.

Кондак преподобному Сергию, игумену Радонежскому

Христовою любовию уязвився, преподобне,
и Tому невозвратным желанием последовав,
всякое наслаждение плотское возненавидел еси
и, яко солнце, Отечеству твоему возсиял еси;
тем и Христос даром чудес обогати тя.
Поминай нас, чтущих пресветлую память твою, да зовем ти:

радуйся, Сергие богомудре.

Кондак преподобному Сергию, игумену Радонежскому

Днесь, яко солнце пресветло, возсиявше от земли,
честныя мощи твоя нетленны обретошася,
яко благоуханный цвет, множеством чудес сияюще,
и всем верным источающе различная исцеления,
и веселяще избранное твое стадо,
еже мудре собрав, добре паствил еси.
О нихже и ныне Троице предстоиши, моляся,
и воинству победительная на враги даровати,

да вси вопием ти: радуйся, Сергие богомудре.

Ин кондак преподобному Сергию, игумену Радонежскому

Яко безплотным равножитель всех преподобных превозшел еси постническими труды и бдении молитвенными, мудре Сергие, тем восприял еси от Бога исцелити недуги и прогонити бесы и того ради вопием ти: радуйся, отче преподобне Сергие.

Величание преподобному Сергию, игумену Радонежскому

Ублажаем тя, преподобне отче Сергие,
и чтим святую память твою, наставниче монахов и собеседниче ангелов.

Молитва первая преподобному Сергию Радонежскому

О, священная главо, преподобне и богоносне отче наш Сергие, молитвою твоею, и верою и любовию, яже к Богу, и чистотою сердца, еще на земли во обитель Пресвятыя Троицы душу твою устроивый, и ангельскаго общения и Пресвятыя Богородицы посещения сподобивыйся, и дар чудодейственныя благодати приемый, по отшествии же твоем от земных наипаче к Богу приближивыйся, и небесныя силы приобщивыйся, но и от нас духом любве своея не отступивый, и честныя твоя мощи, яко сосуд благодати полный и преизливающийся, нам оставивый! Велия имея дерзновение ко Всемилостивому Владыце, моли спасти рабы Его, сущей в тебе благодати Его верующия и к тебе с любовию притекающия. Испроси нам от великодаровитаго Бога нашего всякий дар, всем и коемуждо благопотребен, веры непорочны соблюдение, градов наших утверждение, мира умирение, от глада и пагубы избавление, от нашествия иноплеменных сохранение, скорбящим — утешение, недугующим — исце­ление, падшим — возставление, заблудшим — на путь истины и спасения возвращение, подвизающимся — укрепление, благоделаю­щим — в делах благих преспеяние и благословение, младенцем — воспитание, юным — наставление, неведущим — вразумление, сиротам и вдовицам — заступление, отходящим от сего временного жития к вечному — благое уготовление и напутствие, отшедшим — блаженное упокоение, и вся мы споспешествующими твоими молитвами сподоби в день Страшнаго суда шуия части избавитися, десныя же страны общники быти и блаженный оный глас Владыки Христа услышати: приидите, благословеннии Отца Моего, наследуйте уготованное вам Царствие от сложения мира. Аминь.

Молитва вторая преподобному Сергию Радонежскому

О священная главо, преподобне отче, преблаженне авво Сергие великий! Не забуди убогих своих до конца, но поминай нас во святых своих и благоприятных молитвах к Богу. Помяни стадо свое, еже сам упасл еси, и не забуди посещати чад своих. Моли за ны, отче священный, за дети своя духовныя, яко имея дерзновение к Небесному Царю, не премолчи за ны ко Господу и не презри нас, верою и любовию чтущих тя. Поминай нас, недостойных у Престола Вседержителева, и не престай моляся о нас ко Христу Богу, ибо дана тебе бысть благодать за ны молитися. Не мним бо тя суща мертва: аще бо и телом преставился еси от нас, но и по смерти жив сый пребывавши. Не отступай от нас духом, сохраняя нас от стрел вражиих, и всякия прелести бесовския, и козней диавольских, пасты­рю наш добрый; аще бо и мощей твоих рака пред очима нашима видима есть всегда, но святая твоя душа со Ангельскими воинствы, со безплотными лики, с Небесными силами, у Престола Вседержителя предстоящи, достойно веселится. Ведуще бо тя воистинну и по смерти жива суща, тебе припадаем и тебе молимся, еже молитися о нас Всемилостивому Богу о пользе душ наших, и испросити время на покаяние, и о невозбранном преитии от земли на небо, мытарств же горьких, бесов, воздушных князей и вечныя муки избавитися, и Небесному Царствию наследником быти со всеми праведными, от века угодившими Господу нашему Иисусу Христу, Емуже подобает всякая слава, честь и поклонение со Безначальным Его Отцем и с Пресвятым, и Благим, и Животворящим Его Духом, ныне и присно и во веки веков. Аминь.

Молитва третия преподобному Сергию Радонежскому

О Небеснаго гражданине Иерусалима, преподобне отче Сергие! Воззри на нас милостиво и к земли приверженных возведи к высоте небесней. Ты горе на небеси; мы на земли низу, удалены от тебе не только местом, елико грехами своими и беззакониями; но к тебе, яко нам сродному, прибегаем и взываем: настави нас ходити путем твоим, вразуми и руководствуй. Свойственно есть тебе, отче наш, благоутробие и человеколюбие: на земли живущу, не о своем токмо спасении бысть тебе попечение, но и о всех к тебе притекающих наставления твоя быша тростию книжника скорописца, на сердце каждаго глаголы жизни начертавающего. Не телесныя токмо врачевал еси болезни, но паче душевных врач изящный явился еси; и вся твоя святая жизнь бысть зерцалом всякия добродетели. Аще толик был еси, святче Божий, на земли, колик ныне еси на небеси! Ты днесь предстоиши Престолу Света Непреступнаго и в Нем, яко в зерцале, зриши вся наша нужды и прошения; ты водворяешися со Ангелы о едином грешнице кающемся радующимися. И человеколюбие Божие есть, неистощимо, и твое к Нему дерзновение много, не престани о нас вопия ко Господу. Испроси предстательством своим у Всемилостиваго Бога нашего мир Церкви Его, под знамением креста воинствующей, согласие в вере и единомудрие, суемудрия же и расколов истребление, утверждение во благих делех, больным исцеление, печальным утешение, обиженным заступление, бедствующим помощь. Не посрами нас, к тебе с верою притекающих. Аще бо и недостойни есмы толикаго отца и ходатая, но ты, быв подражатель человеколюбия Божия, сотвори нам достойны чрез обращение от злых дел к благому житию. Вся богопросвещенная Россия, твоими чудесы исполненная и милостями облагодетельствованная, исповедует тя быти своего покровителя и заступника. Яви древния милости твоя и ихже отцем спомоществовал еси, не отрини и нас, чад их, стопами их к тебе шествующих. Веруем, яко духом нам соприсутствуеши. Идеже бо есть Господь, якоже слово Его учит нас, тамо и слуга Его будет. Ты верный еси раб Господень, и Богу везде сущу, ты в Нем еси, и Он в тебе есть, паче же и телом с нами еси. Се нетленныя и живоносныя твоя мощи, яко сокровище безценное, вручи нам чудес Бог. Предстояще им, яко тебе живу сущу, припадаем и молимся: приими моления наша и вознеси их на жертвенник благоутробия Божия, да приимем тобою благодать и благовременну в нуждах наших помощь. Укрепи наше малодушие и утверди нас в вере, да несомненно уповаем получити вся благая от благосердия Владыки молитвами твоими. Паству же твою духовную, тобою собранную, не престани управляти жезлом духовныя мудро­сти, подвизающимся помози, разслабленных возстави, споспеши иго Христово нести во благодушии и терпении и всех нас управи в мире и покаянии скончати живот наш и преселитися со упованием в блаженная недра Авраамова, идеже ты радостно во трудех и подвизех ныне почиваеши, прославляя со всеми святыми Бога, в Троице славимаго, Отца, и Сына, и Святаго Духа. Аминь.

Тропарь мучеников Сергия и Вакха

Удобрение Христовых страстотерпец
и очи Христовы Церкве,
очи просветите душ наших,
Сергие многострадальне и Вакше преславне:
молитеся ко Господу,
яко да убежим тьмы греховныя
и Света явимся общницы невечерняго

молитвами вашими, святии.

Кондак мучеников Сергия и Вакха

Разум на враги мужески вооруживше,
всю тех лесть разрушисте,
и победу свыше приимше, мученицы всехвальнии,
единомысленно вопиюще:

добро и красно еже быти с Богом.

Тропарь священномученику Сергию Стрельникову

Оршанския веси отрасль доброцветную и Марийския земли благолепное украшение, новаго мученика Христова Сергия почтим, житие бо многоскорбное в гонениих лютых добродетельне совершив и славне в подвиге скончав, Божественною славою на Небесех обогатился есть. Ныне же предстоя престолу Подвигоположника Христа Бога нашего, молит непрестанно о всех нас.

Кондак священномученику Сергию Стрельникову

В молитвах твоих не оскудевая, отче святый, и предстательством ограждая притекающих к тебе, буди нам всем, верою чтущим память твою, просвещение совести и очищение нравов, яко да и мы, божественною благодатию вооружившеся, возлюбим, якоже и ты, узкий путь, священномучениче преблаженне Сергие.

Тропарь священномученику Сергию Фелицыну

Во́ине Бо́га Вы́шняго, во дни́ гоне́ния безбо́жнаго, жи́знь свою́ за ве́ру во Христа́ положи́в, служи́телю ве́рный земли́ Подо́льския бы́л еси́, священному́чениче Се́ргие, моли́ за на́с Христа́ и Засту́пницу усе́рдную, сохрани́тися от зла́ и тя́жких обстоя́ний.

Кондак священномученику Сергию Фелицыну

Ве́рный служи́телю Бо́га Вы́шняго, до́брый па́стырю о́тче на́ш Се́ргие, Правосла́вныя ве́ры защи́тниче и преди́вный моли́твенниче, ты́ в со́нме новому́чеников Росси́йских в Го́рних оби́телях пребыва́еши, моли́ся за на́с, гре́шных, да возда́ст на́м Госпо́дь ве́лию ми́лость.

Тропарь священномученику Сергию Ракверескому

Во́инства царя́ земна́го па́стырь до́брый,
ча́да своя́ на по́двиги ра́тныя укрепля́я,
живо́т сво́й за дру́ги и оте́чество полага́ти те́х назида́л еси́.
Са́м же во гра́де Везенберге да́же до кро́ве за и́мя Госпо́дне пострада́вый,
и от Небе́снаго Царя́ вене́ц нетле́нный прия́вый,
священному́чениче Се́ргие,
моли́ Христа́ Бо́га спасти́ся душа́м на́шим.

Тропарь преподобного Сергия Шухтомского

Бденными молитвами и потоки слезными пустыню напоил еси
и из глубины воздыханьми ю расплодил еси
и бысть постнически равно Ангелом житие твое;
страдальчески бореньми, яже от бесов и от ненаказанных человек, претерпел еси
и Ангелом собеседник явися,
Божественнаго винограда насеятель быв;
и, оставив временное житие, преселился еси в жилище Небесное.
Темже тя почитаем, преподобне отче наш Сергие,
моли Христа Бога спастися душам нашим.