NULL

Именины Софроний

Имя Софроний почитается в православии 10 раз в 2021 году. День Ангела - одна из этих дат. Чтобы определить День Ангела Софроний вашего знакомого, надо найти день памяти святого, следующий за датой его рождения.
Полное имя:

Церковное имя:

Софроний

Ближайшие именины Софроний - 24 мая
Софроний Печерский, затворник

Преподобный Софроний, затворник, подвизался в Дальних (Феодосиевых) пещерах Киево-Печерского монастыря в XIII в. Преподобный Софроний, затворивши себя в темной пещере, ежедневно прочитывал всю Псалтырь и всегда носил на себе власяницу и тяжелый пояс железный. В каноне преподобным Дальних пещер из

Читать далее

Что подарить на именины?

Ниже вы можете найти православные подарки для на именины (День Ангела). Наша церковная лавка Святцы открыта для Вас!

Поиск по имени

Молитвы к Софроний

Тропарь праведному Софронию Ибердскому

Боже́ственною благода́тию просвети́вся,
терпе́нием, слеза́ми, посто́м и моли́твою
подвиза́лся еси́ во вре́менней жи́зни сей
и по сме́рти да́руеши исцеле́ния,
с ве́рою притека́ющим к тебе́.
Те́мже и мы ны́не чтим обре́тение честны́х моще́й твои́х,
утеша́ющих ду́ши на́ша ско́рбныя,
напоя́я их ра́достию и слеза́ми умиле́ния.
Святы́й пра́ведный Софро́ние,
моли́ся приле́жно о нас ко Го́споду,
да страну́ на́шу Росси́йскую в ми́ре сохрани́т

и спасе́т ду́ши на́ша.

Кондак праведному Софронию Ибердскому

Оста́вив все зе́мное попече́ние,
преподо́бнаго Серафи́ма Саро́вскаго житию́ подража́я
, оби́тель же́нскую в пусты́ннем ме́сте основа́л еси́,
да прославля́ется здесь непреста́нно и́мя Бо́жие.
И мы, ви́дя сбыва́ющееся се́рдца твоего́ жела́ние,
из глубины́ души́ к тебе́ взыва́ем:
святы́й пра́ведный Софро́ние,
прииди́, ста́ни с на́ми,
да просла́вим вку́пе Христа́ Бо́га на́шего
и Пресвяту́ю Де́ву Чи́стую,
Упова́ние христиа́ном,

да спасе́т Госпо́дь ду́ши на́ша.

Тропарь святителю Софронию, епископу Врачанскому

Щитом веры вооружився,
мечем словесе безбожныя агаряны посекая,
стадо твое упасл еси на земли.
В Небесней же обители вселився,
Христа моли даровати народу нашему
мир и велию милость.

Кондак святителю Софронию, епископу Врачанскому

Архиереев похвала и страдальцев украшение быв,
святителю Софроние,
добродетельми прославився,
возсиял еси, яко солнце,
нас просвещая и греховную тьму неведения отгоняя.
Но, яко имея дерзновение к Богу,
мир испроси душам нашим и велию милость.

Кондак святителя Софрония, патриарха Иерусалимского

Иже Божественною ревностию подвигся
и истинных повелений устне распростер,
церковная основания благоузаконив
и тамо сущим монашеским составом предав,
премудрый в Патриарсех Иерусалимский Софроние,
всемудрая словеса во свет извел еси,
имиже наставляемы, зовем ти:
радуйся, светлая православных похвало.

Тропарь святителя Софрония, архиепископа Иркутского

От юности Христа возлюбил еси, блаженне Софроние,
добре управил еси иноческия обители
и, архиерейства саном почтен быв,
упасл еси Иркутскую паству,
темже и по преставлении дарования чудес от Бога приял еси
и молиши Христа Бога
избавити нас от бед и спасти души наша.

Ин тропарь святителя Софрония, архиепископа Иркутского

Ско́рый в беда́х и ско́рбех засту́пниче,
о́тче иера́рше страны́ Сиби́рския,
святи́телю Софро́ние,
на Небеси́ предстоя́й с первоиера́рхом Ирку́тския Це́ркве и все́ми святы́ми,
вы́ну и́маши благоволе́ние Го́спода сла́вы,
при́зри на лю́ди, притека́ющия к честны́м оста́нкам святы́х моще́й твои́х,
с ве́рою и любо́вию сле́зно прося́щия твоея́ по́мощи и заступле́ния,
моли́, Его́же пропове́дал еси́ лю́дем Сиби́ри,
изба́вити я́ от находя́щих зол и наве́тов вра́жиих,
просвети́ти люде́й олядене́вшая дре́вле неве́рием сердца́,
дарова́ти утвержде́ние ве́ры Христо́вы

и спасти́ ду́ши на́ша.

Тропарь святителя Софрония, епископа Иркутского

От юности Христа возлюбил еси, блаженне Софроние,
добре управил еси иноческия обители
и, архиерейства саном почтен быв,
упасл еси Иркутскую паству,
темже и по преставлении дарования чудес от Бога приял еси
и молиши Христа Бога
избавити нас от бед и спасти души наша.

Кондак святителя Софрония, архиепископа Иркутского

Соименнаго мудрости иерарха,
изрядное Церкве Иркутския украшение,
отца нашего святителя Софрония любовию восхвалим, вси вернии,
той бо есть хранитель града и страны сея
и молитвенник о душах наших.

Ин кондак святителя Софрония, архиепископа Иркутского

Пастырей Начальнику, Христу,
трудился еси, святителю Софроние,
на пажити духовней северныя страны нашел,
языцы монгольстии от прелести и скверны идольския избавляя,
привел еси я к свету веры Христовой,
и ныне, со Ангелы Владычню Престолу предстоя,
моли непрестанно о всех нас,
избавити ны от бед и спасти души наша.

Молитва святителю Софронию

О, Святче Божий, святителю Христов, добрый пастырю словеснаго стада, человече Божий, новый чудотворче и неусыпный к Богу молит­венниче за страну сию, отче Софроние, призри с высоты Небесныя на нас, с верою и любовию поклоняющихся образу твоему и честным останкам святых мощей, в наше утешение избывшим от всепоядаю­щаго огня. Призри, святче Божий, и виждь наше нестроение и раздоры, нашу тугу, скорбь и сердечную болезнь, от лишения братския любве пребывающия. Испроси у Христа Бога коемуждо нам благодати смирения, познание своей греховности и самоукорения, да, внимающе кийждо своей совести, престанем осуждати ближняго, клеветати и поношати, но, соединившеся друг ко другу любовию, сподобимся мирно во смирении прочее время живота нашего пожити и улучити христианскую кончину. Да, совокупльшеся в будущей жизни со всеми святыми и с тобою, пастырю наш, прославим Единаго в Троице славимаго Бога, Отца, и Сына, и Святаго Духа во веки веков. Аминь.